قبل الامتحانات.. أحمد جمال يوجه نصيحة للطلاب: "هتعدي وهتضحك على الأيام دي"

حرص المطرب الشاب أحمد جمال على توجيه نصيحة للطلاب،  قبل أداء امتحانات الفصل الدراسي الأول، وذلك لدعمهم وحثهم على المذاكرة وعدم التوتر من الامتحانات.

وكتب جمال النصيحة عبر صفحته الرسمية بموقع التواصل الاجتماعي "فيس بوك": "صباح الخير عليكم.. عايز أقولكم أني في أيام الامتحانات مكنتش ببقى مذاكر المواد كلها، وببقى عايز أأجل مادة أو اتنين، في كل تيرم بعذر صحي مثلاً".

وتابع: "بس كان عندي صاحبي دفعتي، طول الوقت بيقولي عمرك ما هتذاكر مادة كاملة لو أجلت ميت سنة، أدخل امتحن في ميعادك، وأكيد كلنا في نفس الظروف، وكنت ببقى واخد قرار التأجيل، وأغير رأيي في آخر وقت بسبب كلامه، وأدخل وامتحن".

وأنهى حديثه قائلًا: "وفي النهاية نجحت واتخرجت، واكتشفت أنه كان على حق، أنت كمان متقولش أنا ضيعت.. شد على نفسك وذاكر حتى لو باقي ساعة على الامتحان، وصدقني هتنجح وتعدي وهتضحك على الأيام دي لما تتخرج.. شجعتك مش كده!!.. يلا دوس جامد بقى يا بطل".

بعد "بحبك".. أحمد جمال يحتفل بعيد الحب في الإسكندرية (صور)