حمو بيكا: "بجيب العربيات من عرق جبيني ومبانمش..كنت تباع وجزار شوفوا دلوقت بقيت فين"

رد مطرب المهرجانات حمو بيكا على الانتقادات التي توجه له على مواقع التواصل الاجتماعي، وذلك عقب نشره صورللسيارات الجديدة التي اشتراها، أو أي شيء عن حياته الخاصة.

وتابع خلال ندوته بـ"القاهرة 24": "مش كل ما أنزل صورة واحد يقول أنا أتعلمت وأهلي صرفوا عليا وركنت الشهادة، يا عم أنا مش زيك أنا متعلمتش ولكن أنا راجل شقيت من صغري وبدأت أشتغل وأكافح لحد ما وصلت للي أنا فيه".

وتابع: "أنا بشتغل وبجيب عربيات من عرق جبيني ومبانمش عشان الشغل وبطبق باليومين.. فكرك إن احنا بنبقى قاعدين والفلوس بتترمى علينا لأ أنت غلطان.. لو جيت اشتغلت معانا يوم واحد هتكره حياتك، لا إحنا بنشتغل وبيبقى علينا مديونات وبنام وبنقول يارب هنسد إللي علينا إزاي".

وأضاف: "مش عربياتي بس اللي بتحسد عليها أنت لو لابس تيشيرت هتتحسد عليه.. أنا كنت تباع وجزار وشوفوا دلوقت بقيت فين".

واستكمل بيكا: "على فكرة أنا مبحلش التعليم وكان ممكن أتعلم بس مرضتش مع إن إخواتي كلهم معاهم شهادات، بس أنا فضلت الشغل، واشتغلت تباع وجزار وأكتر من شغلانة، وشاركت في بناء قناة السويس الجديدة واشتغلت فيها نجار مسلح وفضلت 5 شهور مشفش عيلتي".

حمو بيكا: "محدش يقول مافيش شغل سيادة الرئيس فتح مجالات كتيرة أمام الشباب"

حمو بيكا: "شاركت في حفر قناة السويس الجديدة" (فيديو)