بتصميمات مستوحاة من التراث النوبي.. "إسراء" تعيد نشر ثقافتها الأصيلة تحت عنوان "تونچل" ( صور)

لكل ثقافة ما يميزها، من ملابس وتراث وعادات وتقاليد، والثقافة النوبية واحدة من أهم الثقافات التي يتطلع الكثير إلى التعرف عليها، لذا أقدمت الشابة إسراء على تولي تلك المهمة، فقررت تصميم بعض الملابس المستوحاة من التراث النوبي.

إسراء سليمان، فتاة تبلغ من العمر 27 عاما، خريجة كلية الفنون التطبيقية، قسم الملابس، اختارت ثقافتها الأصلية وهي النوبية، حيث ترجع أصولها إلى بلاد النوبة، وأبدعت في تصميمات تبرز جمال التراث النوبي.

تقول إسراء لـ"القاهرة 24": "لما اتخرجت مكنتش حابة اشتغل في مكان، وكنت حابه يكون عندي براند خاص بيا، بس كنت لسه متخرجة معنديش فكره كبيرة ابدأ إزاي، وبدأت أنفذ بالأوردر سواريه وكاچوال، بس فكرة البراند اللي أنا عايزها هو ملابس تمشي مع اتجاهات الموضة بطابع نوبي".

"مصطفى" يبدع بلوحاته ثلاثية الأبعاد: "كل ما العين تنخدع فده إنجاز يفرحني" ( صور)

وعن سبب اختيار التراث النوبي بالتحديد، تضيف: "عشان دي هويتي وحابة اعرف الناس بيها أكتر، لأن كمان الفن النوبي غني جدا، والزخارف هي مش مجرد زخارف عادية، لكل زخرف معني عند النوبيين كانوا يعتقدون فيها زمان".

وتابعت: "أنا نوبية بس عايشة في القاهرة، وطول عمري لما بسمع من جدتي وأي حد كبير عن بلدنا النوبة، بحس إني افتقد كل هذه الحياة، فحبيت أتعرف علي تراثي أكتر وأدرسه وانفذ حاجة تضم هويتي اللي بعتز بيها وتخصصي ومجال دراستي".

واستكملت إسراء حديثها فقالت: "في الأول كنت بنفذ ملابس لنفسي وكانت بتعجب ناس كتير، بعد كدة حبيت أعمل أول كولكشن ليا مع بداية سنة 2021، وكانت الخطوات هي تصميم ملابس وبعد كدة بصمم زخارف اللي هتطبع أو تترسم عليه في كولكشن الأول، وكل الشغل كان طباعة، وبدات اشتغل التصميمات علي برنامج الاليستريتور".

المشوار لم يكن بالهين، حيث كانت رحلة تكوين البراند طويلة، فأردفت: "بعد كدة نزلت أتفرج على الأقمشة واخترت أكتر خامات مناسبة من حيث الملمس والشكل وجبت عينات وجربت عليهم الطباعة، وبعد كدة بجيب القماش واطبع وأقص وأخيط".

اختارت إسراء هذا الاسم للبراند الخاص بها، لأن تونچل tonjel، يعني  جميل باللغة النوبية، وتطمح الفتاة بأن يكبر مشروعها وتستطيع تصميم كولكشن كل سيزون، ولكن هناك مشكلة كبيرة تواجهها، وهي اعتماد المشروع عليها بمفردها، لذا فهي تضطر إلى حضور الورش ودراسة السوق ودراسة مجال ريادة الأعمال بمفردها.

فنان من ذوي الهمم.. "سراج" يتحدى ضمور العضلات بالرسم والموهبة بعد حرمانه استكمال دراسته (صور)

البراند شامل لكل البنات، محجبات وغير محجبات، بالإضافة إلى الأطفال، حيث تقول "إسراء": حابة استخدم الزخارف زي ما هي من غير تحوير في شكلها زي ما موجودة على البيوت النوبية، وباخد أشكال من الذهب النوبي ادخلها في الزخارف، وباخد من الألوان في التراث النوبي مع الألوان الترند، ونفذت لبنت ومامتها فساتين في عيد ميلاد البنت علي التراث النوبي".

الدعم المعنوي دائما ما يؤثر في نجاح الفرد، فتوضح إسراء الدعم الذي حصلت عليه قائلة:"  الحمد لله، في ناس اشترت مني مش نوبية، وفي متابعيين كتير مش نوبيين ديما بيشجعوني وحابين الفكرة، وكل اللي بيشتري حاجة بيشكر في التصميم وفي الخامة، ده غير دكاتري في الكلية، حابين شغلي ووصلني منهم كومنتات جميلة وشير لشغلي، وهما لحد الآن بيشجعوني ومتابعييني".