بعد غنائه "محسود".. تامر حسين يدعو الهضبة ونادر حمدي للمشاركة في ألبوم كريم فهمي
مازح الشاعر تامر حسين صديقه الفنان كريم فهمي، ودعا الهضبة عمرو دياب والموزع نادر حمدي للمشاركة في أول ألبوم لكريم، بعد مشاركته للهضبة في غناء “محسود" في حفله الأخير.
ونشر تامر مقطع فيديو من غناء كريم في الحفلة، عبر حسابه الشخصي على موقع تبادل الصور والفيديوهات القصيرة “انستجرام”، وعلقت قائلةً: “محسود من حفلة امبارح وكريم فهمي ألبومه قريب أنا أول أغنية يا كيمو وتوزيع نادر حمدي المُلحن عليك عمرو دياب مجمع الحبايب دايمًا”.
حديث تامر حسين عن عمرو دياب
وأعرب تامر حسين سابقًا عن سعادته بالعمل مع الهضبة، وكتب عبر حسابه الشخصي على “فيسبوك”: "ليه عمرو دياب في حتة تانية وتالتة عندي على الأقل.. بأخلاقه قبل فنه، وأبسط الأمثلة حفلة امبارح، الراجل قدمنا وقدم لنا التحية أنا وعزيز الشافعي كعادته وبذوقه المعروف وخرجنا".
وأردف: "اشتغلت (اتعلموا) وشافني باك ستيدج ندهلي تاني، وقالهم هو اللي عامل الأغنية دي، مش عايز حتى يروح مني كريديت إن الناس تعرف إن الأغنية دي بتاعتي، واداني المايك لتاني مرة بعد ما غنيت (قدام مرايتها) عشان أغني الكوبليه (يتعلموا ويقلدوا)، وواقف بيسقف، وكفاية فرحته اللي باينة في عينه بناسه وفريق عمله".
وأضاف: "اللي بيعمله عمرو دياب حقيقي قليل ونادر جدًا وعايز فنان سوي نفسيا وواثق من نفسه، يمكن التفاصيل دي تبان بسيطة لكن ليها ألف معنى عند أي صانع لما بيحس بمنتهى التقدير وإنه مهم بالنسبة للمطرب اللي بيشتغل معاه نفسيا وأدبيا ومعنويا".
