لقاء الخميسي عن استبعاد محمد عبد المنصف من قائمة المنتخب: ظلم كبير والاختيار غير عادل
علقت لقاء الخميسي، زوجة محمد عبد المنصف حارس مرمى فريق وادي دجلة، على استبعاده من قائمة منتخب مصر للمعسكر المقبل استعدادًا لمواجهتي كينيا وجزر القمر.
وقالت لقاء الخميسي عبر حسابها الشخصي على موقع التواصل الاجتماعي "فيس بوك": "أنا عمري ماتدخلت في موضوع الكورة، باتابع من بعید وباشجع أوسه لأني مؤمنة بيه من أول لحظة جول موهوب وتحالفت ظروف كتير عليه وكان بيلعب في ضغط نفسي كبير لا يتحمله أي إنسان ومع ذلك قاوم وكمل وبقى من أفضل وأقوى أجوال مصر".
وتابعت زوجة عبد المنصف: "اللي أعرفه أن الأجوال مالهمش علاقة بالعمر طالما في فورمة كويسة ومتألق أوسه كان في المنتخب وكان دائما راجل، وكابتن الجوهري رحمه الله كان بيحب أوسة وبیدعمه لأول مرة هأقول رأيي في اختيارات المنتخب ومالهاش علاقة باللاعبين المختارين".
وواصلت: "عدم اختیار أوسة في المنتخب يدل وبشكل واضح أن التقييم والاختيار غير عادل وليس له أي علاقة باللاعب واجتهاده وأدائه وإنما في معايير تانية غير مفهومة للاختيارات".
واستكملت: "ودا اللي يخليني اسأل نفسي: امتى مش هايبقى في حسابات إنسانية في الشغل، امتى هايبقى الفيصل هو الأداء ومن يستحق.. امتى هانخرج عواطفنا بره منظومة العمل في كل مجالات مصر مش بس الكوره. اللي حصل دا ظلم كبير".
واختتمت: "احنا محتاجين نتغير وندي كل ذي حقٍ حقه، أوسه من غير المنتخب برده مكمل في النجاح بس إحساس وجوده في منتخب مصر ليه رونق وطعم تاني وشرف لكل لاعب وأوسه يستحق".
