بدرية طلبة: "بحتفل بعيد الأم في الغربة.. بشقى وأتعب علشان أرجع مجبورة"(خاص)
تحتفل الفنانة بدرية طلبة بعيد الأم بشكل مختلف، حيث تحتفل بهذا اليوم في لوكيشن تصوير أو في بعض أماكن عملها، عكس جميع الأمهات اللائي يحتفلن مع أبنائهن في بيوتهن، وسط أجواء احتفالية رائعة تنتظرها الأسرة كل سنة.
وتحدثت بدرية في تصريح خاص لـ"القاهرة 24"عن أجواء احتفالها بعيد الأم مع بناتها قائلةً: "بحتفل بيه في الغربة وأنا بصور مسلسل، علشان أرجعلهم مجبورة وأعملهم اللي نفسهم فيه، بشقى وأتعب علشان أخلى ولادي في أحسن حاجة في الدنيا، مش بحتفل بيه معاهم واحنا بناكل تورتة".
وتابعت: "بحتفل بيه وأنا شايفة الفرحة في عيونهم، وهما بيفتخروا بأمهم، اللي لما تروح تسيبلهم ذكرى كويسة، ودي أحسن حاجة أننا نسيبلهم ذكرى طيبة يفتخروا بيها، بشوف رسايل حلوة من بناتي وأنا في شغلي، ربنا أكرمني ببنتين والبنات معروفين بحنيتهم.. بيطمنوا عليا أول بأول".
بدرية طلبة
وأضافت: "كل الأمهات قاعدة مع بناتها بتحتفل، واللي زي حالاتنا في بلد تانية بتشقي، علشان ولادها ودا هو الاحتفال، ومش الممثلين بس اللي بيتعبوا في حياتهم، وميعرفوش يحتفلوا مع ولادهم، في كتير مش بيعرفوا يحتفلوا بعيد الأم".
وأنهت حديثها قائلة: "ممكن تكون دكتورة وفي المستشفى النهاردة قاعدة مع المرضى بتوعها، في شغلانات كتير بتخلي الأم متعرفش تحتفل مع ولادها".
وتحدثت الفنانة بدرية طلبة عن الدور، الذي تلعبه داخل فيلم "تماسيح النيل"، الذي انتهوا من تصويره خلال الفترة الماضية، من إخراج سامح عبد العزيز، وتأليف لؤي السيد.
وقالت الفنانة بدرية طلبة خلال لقائها مع برنامج "إنسايدر بالعربي" عن دورها في الفيلم: "أنا مليش علاقة بالنصب، ولكن أنا جاية عايزة أخلف طول الفيلم، وهي ست عادية جدا".
وفيلم "تماسيح النيل" بطولة حمدي الميرغني، ومصطفي خاطر، وخالد الصاوي، وبيومي فؤاد، وسامية الطرابلسي، وهنادي مهنا، وكريم عفيفي، ومحمد ثروت، وويزو وسليمان عيد، ومحمد جمعة وبدرية طلبة، وهو من تأليف لؤي السيد.
بدرية طلبة تقدم بلاغًا ضد متحرش..وتفضح رسائله:" فيديوهات قذرة"
