شريف دسوقي: أصبت بالضغط والسكر والحُمرة في 11 يوم وكنت مهدد بالبتر

علق الفنان شريف دسوقي ، على اتهامات طالته الفترة الماضية، بعد خروجه من أكثر من عمل والمقرر عرضهم في السباق الرمضاني المقبل لعام 2021، ولعل أبرزهم أنه غير متزن عقليًا ويدخل موقع التصوير مخمورًا.

وتابع دسوقي خلال لقاءه مع برنامج "الحكاية" مع الإعلامي عمرو أديب: "أصيبت في مسلسل ما، فجأة في 11 يوم جالي الضغط و السكر وحمرة وقدم سكري، وأنا في تصوير أحد المسلسلات اللي بيقولوا مشوني منها، أصيبت بخربوش صغير وقولتلهم ودوني المستشفى وملقتش معايا حد غير المنتج أحمد الجنايني، وخبيت عليه لمدة شهرين أني تعبان وعندي السكر".
 

واستكمل: "وفوجئت بعد كده وأنا داخل المسلسلات أنهم بيقولوا شريف دسوقي بيدخل لوكيشن المسلسلات وهو سكران، مستحيل أعمل كده لأني متربي في مدرسة إسماعيل ياسين واللي هي بتعتبر المسرح جامع أو كنيسة وليه قدسيته".

وأستكمل باكيًا: "أنا مكنش عندي صداع أنا كنت مهدد بالبتر، أنا مش عايز أكتر من حقي، مكنتش عايز غير أني أتعالج، غلط أن المنتج يكلمني ويقولي إيه أخبار المصحة اللي كنت فيها، بقول للناس عيب يتقال عليا بيدخل اللوكيشن سكران ومخمور، دنا بروح قبل ميعادي بساعتين، وبقعد مع العمال وأفطر على الأرض".

تصريحات شريف دسوقي