شريف دسوقي مطلوب على "جوجل" بعد انهياره من البكاء مع عمرو أديب
تصدر الفنان شريف دسوقي مؤشرات البحث على "جوجل"، بعد ظهوره مع الإعلامي عمرو أديب في برنامج "الحكاية"، المُذاع عبر قناة "إم بي سي مصر".
وتحدث دسوقي خلال اللقاء، عن أزمته في الفترة الاخيرة بخصوص دخوله مصحة نفسية وابتعاده من بعض المسلسلات المشاركه في الماراثون الرمضاني المقبل 2021، قائلًا: "أصيبت في مسلسل ما، فجأة في 11 يوم جالي الضغط و السكر وحمرة وقدم سكري، وأنا في تصوير أحد المسلسلات اللي بيقولوا مشوني منها، أصيبت بخربوش صغير وقولتلهم ودوني المستشفى وملقتش معايا حد غير المنتج أحمد الجنايني، وخبيت عليه لمدة شهرين أني تعبان وعندي السكر".
وتابع: "وفوجئت بعد كده وأنا داخل المسلسلات أنهم بيقولوا شريف دسوقي بيدخل لوكيشن المسلسلات وهو سكران، مستحيل أعمل كده لأني متربي في مدرسة إسماعيل ياسين واللي هي بتعتبر المسرح جامع أو كنيسة وليه قدسيته".
واستكمل باكيًا: “أنا مكنش عندي صداع أنا كنت مهدد بالبتر، أنا مش عايز أكتر من حقي، مكنتش عايز غير أني أتعالج، غلط أن المنتج يكلمني ويقولي إيه أخبار المصحة اللي كنت فيها، بقول للناس عيب يتقال عليا بيدخل اللوكيشن سكران ومخمور، دنا بروح قبل ميعادي بساعتين، وبقعد مع العمال وأفطر على الأرض”.
وأضاف: "زعلت من الدكتور أشرف ذكي، نقيب الفنانين، محدش وقف جمبي لما كانت ظروفي صعبة، ومن حقي أزعل من أخويا الكبير”، مضيفًا "كان ليا فلوس وطلبتها، عيب لما يتقال عليا بروح اللوكيشن سكران.. أنا متربي".
بألفاظ خارجة.. شريف دسوقي لـ"أشرف زكي": "ماتبعنيش لحد.. عاوز حقي وهسيب مهنتكم وأمشي" (فيديو)
