"شيطانك غلبك وإيمانك ضعيف".. أحد المتابعين يُلقن عمر كمال درسًا.. والأخير يرد
تعرض الفنان عمر كمال، لكثير من الأنتقادات في الفترة الأخيرة، بسبب ظهوره في حلقة مع الشيخ مبروك عطية، والذي من المقرر عرضها في الموسم الرمضاني المقبل 2021.
وعلق عمر على هذه الانتقادات من خلال منشور له عبر صفحته الرسمية بموقع التواصل الاجتماعي “فيس بوك”، ليفاجأ بتعليق من أحد المتابعين جاء فيه: "كل كلامك جميل بس أنك تبطل تصلي في مسجد ياعمر ديه مش من الناس، أنت شيطانك غلبك للأسف، وإيمانك ضعيف.. أنت تدخل المسجد لربنا ومش لعباده".
ورد عمر على هذا التعليق: "والله ماشيطاني ولاحاجة بس فعلًا لما بتخش مكان مش مستريح فيه صدقني هتبطل تروحه، تخيل داخل صلاة جمعة، والناس كلها بتبصلك بصة غريبة جدًا، قاعد أصلاً مش مرتاح وتسمع ده بيتهمز عليك وكده".
وكتب عمر منشور،عبر صفحته الرسمية بموقع التواصل الاجتماعي "فيس بوك"، قائلًا: "اتصورت صورة وأتشرف بده مع فضيلة الشيخ مبروك عطية، في لقاء هيتذاع معاه في رمضان إن شاء الله، وحلقة كلها خير وكلام محترم".
واستكمل: "كلام الناس وتعليقاتهم حسستني أنه متصور مع يهودى أو كافر أو مرتد أو إنسان لا مؤاخذة وهيدنس الشيخ، وكومنتات ازاى ده يتصور مع ده، مع إنى مش وحش للدرجة ديه، زى بالظبط ما خلونى أبطل أفكر أصلى في المسجد".
مطرب المهرجانات عمر كمال
وتابع: "أول ما أخش بحس أنى إنسان منبوذ، والناس بتبصلى بصة غريبة، لدرجة سمعت واحد بيقول للتانى أقف جمبه أنت لاحسن ربنا ميتقبلش منى صلاة".
كما أضاف: "ومش بقول أنى مقطع السجادة، أنا زى أى إنسان بيقطع في الصلاة وبيرجع، بس ساعات ببقى حابب أدخل المسجد، وفعلا بطلت ده من الناس".
