"حبيبة جالها شلل رباعي".. أم تستغيث بالرئيس السيسي للتكفل بعلاج ابنتها البكر
استغاثت شيرين حسن محمد إمام، أم الطفلة حبيبة، بالرئيس عبد الفتاح السيسي، رئيس الجمهورية، للتكفل بعلاج ابنتها التي أصيبت بالشلل الرباعي، وفقدت القدرة على الحركة، منذ أكثر من عام ونصف.
تقول الأم لـ"القاهرة 24": "حبيبة كانت رايحة تصلي الجمعة بتاريخ 6-7 السنة اللي فاتت، وقعت وجالها شلل رباعي، واتحجزت بيها في جامعة شبين، وهما تأخروا عقبال ما عرفوا الحالة، وبعدين دكتور المخ والأعصاب قال لي إنها مصابة بشلل في النخاع الشوكي".
وأضافت الأم: "كانت كويسة وفي 5 ابتدائي، ماشتكتش من أي حاجة قبل كدة، ومرة واحدة لا بقت تتكلم ولا تتحرك، وبقيت أنا بشيلها وبحطها، وبتلبس بامبرز، والقرح بتاكل فيها"، مؤكدة: "أنا حاليا متابعة مع دكتور مخ وأعصاب".
وناشدت الرئيس: "أنا أستغيث بالرئيس، نفسي الرئيس يشوف حالة حبيبة، ويساعدني ألاقي علاج ليها أو يوصلني لدكتور".
وتابعت: "بقالي سنة ونص بلف على دكاترة، وبعالج فيها وقالوا لي ملموسة وروحت لشيوخ وكنائس، وبقالي 5 شهور قاعدة مع دكتور، آخر تحسن لحالتها إنها بدأت تاكل بس".
وعن حالتها المادية، كشفت أنها لا تقدر على تكاليف علاج ابنتها، حيث تسكن بالإيجار بوادي النطرون محافظة البحيرة، وزوجها يعمل باليومية، كما أنها تقوم بجلسات علاج طبيعي لحبية تبلغ تكلفة الجلسة 50 جنيهًا، بمعدل 4 مرات في الأسبوع، وتقول: "أحيانا مش بيبقى معايا فلوس أعمل الجلسة، وكمان علاج المخ والأعصاب غالي، وعلاج الجلدية كمان، كله كتير علينا".
