"بنتي حامل من أخوها".. تفاصيل مأساوية تكشفها التحقيقات في واقعة اغتصاب "عزة" (مستندات)
كشفت تحريات الأجهزة الأمنية، واقعة اتهام شاب باغتصاب شقيقته بمركز الحامول في كفر الشيخ، بعد التسلل ليلا إلى غرفة نومها، وعاشرها معاشرة الأزواج وفض بذلك غشاء بكارتها، مما أدى إلى حملها سفاحًا منه، وفق مصدر مقرب من الأسرة.
وشرعت جهات التحقيق في سماع أقوال شقيق والدة المجني عليها، حول تفاصيل الواقعة
س: ما هي علاقتك بكلٍّ من "عزة. م. ع"، و" حسني. م. ع" وهل من ثمة خلافات بينهما؟
ج: أنا خالهم شقيق والدتهم.
س: ما هي معلوماتك بشأن الواقعة محل التحقيق؟
ج: اللي حصل أن يوم الجمعة اللي فاتت لقيت أبو عزة بيتصل بيا وبيقولي تعالى بسرعة، بقوله فيه إيه؟ قالي تعالالي بسرعة الأول ومتجبش حد معاك، وبعد كده خدت العربية بتاعتي وطلعت على بلطيم ورحت عندهم البيت فقولتله فيه إيه، قالي إن البنت تعبانة وإنها حامل وبعد کده خدتها أنا ووالدتها في العربية، ومشينا حوالي كيلو وبعدين نزل الجنين وإحنا ماشيين في الطريق ونزل منها في العربية وإحنا في الطريق، قلنا نروح مستشفى بلطيم فقالوا إن فيها عزل نطلع على مستشفى الحامول وجينا فعلا على مستشفى الحامول، والممرضات والدكاترة خلوا الجنين وقطعوا الحبل السري وهم في العربية وعملوا إنعاش للجنين، وقالوا إنه مات وإحنا في المستشفى، عملنا محضر وهو ده اللي حصل.
س: متى وأين حدث ذلك؟
ج: أبوها اتصل بيا بعد صلاة الجمعة، وأنا كنت في بيتي ساعتها في الحلافي مركز كفر الشيخ.:
س: مِنْ مَنْ ورد إليك ذلك الاتصال؟
ج: من أبو عزة.
س: وما هو مضمون ذلك الاتصال؟
ج: هو قاللي تعالى بسرعة على البيت.
س: وهل استبينت سبب دعوة سالف الذكر لك بالذهاب لمنزله؟
ج: أيوة أنا قولتله فيه إيه أكتر من مرة.
س: بم أجابك سالف الذكر؟
ج: هو قاللي تعالى بس ومتجبش حد معاك.
س: كلمت أمها أسالها فيه إيه؟
ج: قالتلي البنت حامل قولتها من مين ردت وقالت من أخوها حسني.
س: هل أجبت سالف الذكر لطلبه وتوجهت لمحل إقامته؟
ج: أيوة.
س: وهل يقطن ثمة أشخاص آخرون مع سالف الذكر بمسكنه؟
ج: أيوة.
س: مع من يقطن تحديدًا؟
ج: مع بنته عزة وابنه حسني ومراته.
س: وهل الجنين كان على قيد الحياة لحظة وصولكم المستشفى؟
ج: معرفش.
س: و ما هي الإجراءات التي تم اتباعها من العاملين بالمستشفى؟
ج: هما الممرضات قطعوا الحبل السري بتاع الجنين وخدوه إدوه لدكتورة، وهمّ دخلوا بيه.
س: کیف نما لعلمك وفاة الجنين؟
ج: الدكاترة هم اللي قالولنا إنه مات.
س: وهل تسبب ثمة أشخاص في وفاة الجنين؟
ج: أنا معرفش أنا زي ماقولت العربية ماكنش فيه نور في الصالون، وهمّ كانوا قاعدين ورا والدنيا كانت ضلمة.
س: هل من ثمة شبهة جنائية في وفاة الجنين؟
ج: معرفش.
س: ما هي طبيعة عمل والد ووالدة المدعوة "عزة.م"؟
ج: أبوها وأمها فلاحين.
س: متى يغادر سالفا الذكر المنزل وما هو ميعاد عودتهما؟
ج: هما بيسرحوا كل يوم الصبح ومالهومش معاد ثابت بس بيرجعوا متأخر.
س: وهل تزاول عزة أي عمل؟
ج: لا هي بنت في البيت وساعات بتسرح معاهم.
س: هل يزاول المدعو حسني ثمة عمل؟
ج: أيوة هو شغال شيال في محل أعلاف في بلطيم.
أوراق التحقيق
