"زعيم طالبان تسبب في اعتقالي بأمريكا".. أبرز تصريحات محمد محمود عبد العزيز في "سهرانين"
كشف الفنان محمد محمود عبد العزيز، قصة محاولة اعتقاله في الولايات المتحدة الأمريكية، خلال تصوير فيلم “ليلة البيبي دول”، وكيف حل والده الفنان الراحل الأمر.
وذكر محمد محمود عبد العزيز تفاصيل الواقعة خلال لقائه ببرنامج “سهرانين”، المذاع عبر شاشة “ON”، ويقدمه الفنان أمير كرارة: “كنا طالعين رسمي وكنت مساعد مخرج، وقتها قالوا لي يا محمد أنت هتبقى جاي معاك الناس من مصر، عشان لو حد وقفوا أو خدوا على مكتب فاهمهم أن دي حاجة عادية، عشان الدخول قولتلهم أنا اللي هتمسك، قالولي ليه عليك حاجة، قولتلهم إحساسي أنا اللي فيه مشكلة”.
وتابع: “دخلنا وكل الناس عدت وواقف أنا وأبويا في نفس الكونتر، فأخدوا جواز السفر وأبويا عدى وأنا مش فاهم، وجاب ظرف وحط جواز السفر فيه وقال اتفضل، ورحت 7 أدوار تحت الأرض، وأبويا قلب الدنيا وعماد أديب وعادل لبيب والدنيا متشقلبة، وبعدين دخل اتنين عليا شكلهم بيكلموا عربي بس هما ساكتين ولفوا وخرجوا ودخلوا تاني وقالوا، مانّوا هون ابن محمود عبدالعزيز قولتلهم أنا هنا”.
محمد محمود عبد العزيز
وأشار إلى أنه خرج من تلك المشكلة بعد تدخل السفارة المصرية، مضيفًا: “طلع تشابه أسماء مع اتنين واحد من بتوع 11 سبتمبر، والتاني زعيم طالبان قولتلهم يعني زعيم هيجي هنا”.
وتحدث محمد محمود عبد العزيز، عن مرحلة المرهقة حينما قرر العمل مع عمه، حتى يكسب أموالا، وقال: “كنت عايز أكسب قرش من عرق جبيني بقى وعاشق الخرفان، وعايز اشتغل وعايز أعمل أي فلوس بدل ما استنى مصروفي، فعمي كان مشارك صديقه عندنا في إسكندرية وكنت معاهم وكان عيد وكده، قلت له عايز اشتغل معاك، وكانوا بيحطوا الخرفان في الجراج، وأنا وظيفتي راعي غنم كنت أنزل الصبح بالجلابية وافتح الباب وأحط العلف وأحلق عليهم”.
