أيمن منصور: "نصحت أحمد أبني يمشي زي القطر ويرد في الملعب"
وجه أيمن منصور، نجم فريق الكرة السابق بنادي الزمالك، نصيحة لنجله أحمد أيمن منصور لاعب بيراميدز والمنتخب الوطني، لمواجهة الانتقادات التي وجهت له عقب مباراة جزر القمر في التصفيات المؤهلة لبطولة كأس الأمم الإفريقية.
وقال منصور في تصريحات إذاعية، "سهل جدا نغلط فى الناس ونأذيهم بكلامنا، بس أنا نصحت أحمد وقولتله امشى زي القطر كلنا اتشتمنا وده عادي بس كنا بنرد في الملعب" مضيفًا: "مشكلة أحمد أن منتخب مصر كله كان وحش في مباراة كينيا، مكنش يوم الفريق كله وعشان كده الانتقادات زادت".
وأضاف: "بس قولت لأحمد حط قطن في ودنك متسمعش إلا الانتقادات الإيجابية إنما السلبية ملهاش لازمة يترد عليها فى الملعب، أنا مثلا شتمونى عشان مكنتش بجيب أجوال فى عشرة ماتشات وربنا كرمني بعدها وجبت جول في الأهلي".
وواصل: "قلت لأحمد لازم يسمع كلام مدربيه فى بيراميدز والمنتخب خاصة أنه شاب واعد والإشادة هتيجي هتيجي".
وعن العمل في الزمالك قال أيمن منصور، "لو عُرض علي أي منصب في الزمالك هوافق طبعاً ودون أي شروط لأن ده النادى اللى عرقنا وتعبنا فيه ومش لازم مناصب عشان نقف بجانب النادي صاحب الفضل علينا، وبإذن الله كبوة وهتعدي".
عبدالله جمعة يقترب من قيادة الجبهة اليسرى للمنتخب أمام جزر القمر
