نشوى مصطفى عن موكب نقل المومياوات: "نسيب الناس تشتغل في صمت ومنعطلهاش"
علقت الفنانة نشوى مصطفى على موكب نقل المومياوات الملكية، المقرر يوم 3 أبريل المقبل، بحضور عدد كبير من الضيوف وسط أجواء احتفالية كبيرة بهذا الحدث الجليل.
وكتبت نشوى بوست عبر صفحتها الرسمية بموقع التواصل الاجتماعي "فيس بوك"، معلقةً: "كلمة أخيرة فى احتفالية نقل المومياوات، خلونا نتفق إن أبطال الحدث والنجوم العالميين هما الاتنين وعشرين موميا، اللي أكيد شهرتهم العالمية أقوى بكتير من شهرة أي حد تانى، يعنى هما أصحاب الفرح، علشان كده كنت شايفة الخناقات اللي حصلت على السوشيال ميديا الفترة الأخيرة مش فى محلها أوي".
وتابعت: "كان الأولى نتخانق ونطالب أن الموكب يكون فيه مثلاً نجوم عالميين بحجم محمد صلاح، نور الشربينى، خالد النبوى، رامى مالك، مينا مسعود، واتمنى أن الشركة المنظمة تكون افتكرت تقدم الدعوة للدكتور مجدى يعقوب، المهندس هانى عازر، وكل النجوم المصريين العالميين فى مجالات مختلفة".
الفنانة نشوى مصطفى
وأضافت: "وباذن الله هيكون حدث عظيم مبهج يساعد مصر سياحيًا، وبالتالى اقتصاديًا بشكل كبير، ويارب ندعى لجدودنا الفراعنة اللي لحد دلوقتى متمرمغين فى خيرهم، ونحاول نشتغل ونشتغل ونشتغل علشان ولادنا يفتخروا بينا، أو لو مش حابين نشتغل وفرحانين بالرغي والصريخ على السوشيال ميديا، نسيب الناس اللي بتشتغل تشتغل فى صمت ومانعطلهمش".
وسبق أن علقت الفنانة نشوى مصطفى على الجدل المُثار بسبب الفنانة هند صبري بعدما أعلنت مشاركتها في موكب نقل المومياوات، حيث حرصت نشوى على دعمها.
وكتبت نشوى في منشور عبر حسابها الرسمي بموقع التواصل الاجتماعي “فيس بوك”، منشور قالت فيه: “وليه مايكونش اللي هايقدم موكب المومياوات المصرية فنانة من كل بلد عربي وياسلام لو حد ذكي فكر أنه يعرض على فنانات عالميات أنهم يتقدمو الموكب وتبقى دعاية عظيمة”.
وأضافت نشوى: “ليه فنانة واحدة بس.. ليه مش من كل بلاد الدنيا.. وبالمناسبة هند مصرية زوجها مصري وبناتها مصريين ومعاها الجنسية المصرية زينا بالظبط.. خلوا عنيكم أوسع.. ده حدث نقدر نستغله لصالح بلدنا بشكل أعظم”.
وكانت أعلنت وزارة السياحة والآثار، في وقت سابق، موعد موكب نقل المومياوات، وقالت إنه سوف يكون 3 أبريل المقبل لنقل 22 مومياء ملكية من المتحف المصري بالتحرير إلى المتحف القومي للحضارة المصرية.
وذكرت الوزارة، في بيان سابق لها، أن من ضمن المومياوات مومياء كل من الملك “أمنحتب الثاني، وتحتمس الرابع، وأمنحت الثالث، والملكة تي”.
