أحمد فهمي يكشف تفاصيل خلافاته مع محمد رمضان: "غلطت لما تدخلت في مشكلته مع الطيار"
قال الفنان أحمد فهمي إن هناك 6 شخصيات لن يتعامل معهم مرة ثانية أو يجمعهم أي عمل فني مرة أخرى، لعدة أسباب أبرزها “نفسيتهم وحشة” على حد قوله، بالإضافة إلى كشفه كواليس خلافاته مع الفنان محمد رمضان.
وتابع فهمي خلال لقائه مع برنامج “يوم ليك” الذي تقدمه الإعلامية سمر يسري: “في 5 أو 6 شخصيات مش هشتغل معاهم تاني منهم 2 نجوم، والباقي مش نجوم، مبحبش أشتغل مع ناس نفسيتها وحشة مش جو منافسة أو عمل حاجة مع حد أعرفه”.
كما كشف تفاصيل خلافه مع الفنان محمد رمضان، وذلك بعدما سخر من صورة نشرها الأخير وظهر فيها بداخل غرفة العمليات وسخر حينها من وقف الطيار أشرف أبو اليسر عن العمل.
وأضاف: “أنا مالي أتدخل في حاجات زي كده أنا غلطان، بس مشكلتها الأولى مكنتش بسبب الصورة دي، ولكن كنت في لقاء مع إبراهيم فايق فسألني هنا الزاهد اعترضت على مسلسل كذا فقولتله لأ، بس القصة إنها صحتني من النوم وقالتلي جالي مسلسل محمد رمضان ومساحته كذا، فقولتلها لأ أنتي داخلة بتعملي بطولة لوحدك في فيلم إزاي تقبلي تكون مساحة دورك صغيرة”.
واستكمل: “وأنا صرحت برضو أن مينفعش نعمل احنا الاتنين سوا لأن أنا مدرسة وهو مدرسة، بس هي دي القصة، وأنا كنت بدعمه من 3 سنين عادي، وأنا لما نزلت الصورة بتاعت الطيار، أنا اتكلمت عشان الرزق بتاعه اتقطع ولكن في كل الحالات أنا غلطان".
"سخونية كلام وإحنا غلطنا".. أحمد فهمي يعلق على جلسة الصلح مع محمد رمضان (فيديو)
"هنا الزاهد عيّلة صغيرة وبتتقمص بسرعة".. أبرز تصريحات أحمد فهمي في برنامج "يوم ليك"
