"برواز أغنية بقدم قلبي لعمرو دياب من عمايل إيدي".. حكاية أصغر صدفجي في مصر القديمة (فيديو)
في أحضان القاهرة التاريخية نشأ وترعرع، فكانت الحطابة نقطة الإلهام له، ليكون بذلك أصغر شاب صدفجي في مصر، كريم مجدي محمد، شاب يبلغ من العمر 36 عامًا، يعيش في منطقة القلعة، وبالتحديد بالحطابة، أشهر مكان يحتوي الحرفيين.
اكتسب المهنة من والده، الذي ساعده في البداية، حيث يقول:" ساعدني في الحرفة ديه ربنا ثم والدي، لأن والدي كان كبير في المهنة ديه، اتعلمت منه كتير".
عشق المهنة من طفولته، فقرر أن يمتهنها:" وأنا صغير والدي كان عنده محل، كنت بروح له بعد المدرسة وبقعد اتفرج عليهم وهما بيشتغلوا، وبعد ما بيخلصوا الحاجة اللي صنعوها بتعجبني، فطلبت من والدي يعلمني التفريغ، وبعدها أنا عملت نفسي كل حاجة".
افتتح أصغر صدفجي في مصر حديثه مع " القاهرة 24" قائلا:"أكتر الناس اللي شغالة في المهنة ديه كبار في السن، من سن والدي، وتقريبا أنا الشاب الوحيد وسط تلك الحرفة حاليا".
رغم أنه حاصل على مؤهل حاسب آلي، إلا أنه فضل العمل صدفجي:" لو اتوظفت مكنتش هلاقي نفسي في الحاجة اللي بحبها، عشان كدة رفضت كل الوظايف اللي جاتلي، وبقيت بجدد في الصنعة ديه".
وأضاف " كريم" :" من ضمن أبرز حاجة عملتها برواز في أغنية بقدم قلبي لعمرو دياب، وعملت شغل عثماني كتير، ومعايا كتاب فيه رسومات من 1931، واخده من والدي ووالدي أخده من جدي".
من صنايعي محارة لمهندس معماري.. محمد يتحدى الظروف ويحقق حلم والديه (صور)
وعن أمنياته، يقول :" نفسي وزارة الثقافة تشوف الناس اللي زيي والحرفيين، يساعدوهم في المشاركة في المعارض".
