أسما شريف منير بعد طلاقها من محمود حجازي: "النهايات أخلاق مش ادعاء.. لا تنسوا الفضل بينكم"

تحدثت البلوجر وخبيرة التجميل أسما شريف منير، عن تجربة طلاقها من الفنان محمود حجازي مؤخرًا، وكيف تجاوزت هذه الفترة المؤلمة، كما قدمت بعض النصائح للمنفصلين.

وكتبت أسما على حسابها الشخصي بـ"فيس بوك": “دايمًا لما اتنين بيسيبوا بعض كل واحد فيهم بيبقي عايز التاني يحس أنه تعبان من غيره، اوفي حال أوحش، عشان يعرف يعدي ويقوم، هكدب عليكم لو قلتلكم محستش كده!! بس بما أني مركزة مع تجربتي المرة دي عشان فعلًا عايزة أتعلم وأقوى بجد، قعدت أحلل الإحساس ده بكل تفاصيله لحد ما وصلت أن لو فعلاً الواحد في يوم حب، إزاي ممكن يتمنى لحد حاجة زي دي، إيه الأنانية دي؟ حتى لو اتأذيت ليه أوصل أني أتمنى إن الشخص التاني يتعب عشان يحس بقيمتي!”.

وتابع: “ده إحساس مؤذي وده مش طبعي، فهذبت نفسي ولمتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص.. وتكون النهايات أخلاق مش ادعاء، لكل ست في نفس الموقف لو حسيتي بكده أقفي مع نفسك! وقفي نفسك، وغيِّري التفكير ده من جذوره و دعي الخلق للخالق”.

واستكملت: “ركزي في إزاي تقومي بطريقة صحية واتمني لغيرك اللي تتمنيه لنفسك عشان ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}.. سامحي حتى لو مش إنتي اللي غلطانة، إن الله غفور رحيم.. (لا تنسوا الفضل بينكم)”.

"اتقرب إلى الله أكثر بالقرآن".. أسما شريف منير تتحدث عن طلاقها من محمود حجازي

تفاصيل 48 ساعة صعبة في حياة عائلة شريف منير.. طلاق ومتاعب صحية