محمد رمضان عن إلقائه أموالًا في المياه: "أنا مش كياد"
علق الفنان محمد رمضان، على الانتقادات اللاذعة التي وجهت له، عقب استفزازه للجمهور بفيديوهات إلقاء أموال في المياه وإعطائها لـ"نمر" خلال كواليس تصوير أغنية جديدة، وذلك تزامنًا مع إلزامه بدفع 6 ملايين جنيه تعويضًا للطيار أشرف أبو اليسر.
وقال رمضان خلال لقائه حاليًا مع الإعلامية إيمان الحصري ببرنامج “مساء دي إم سي”: “أنا بتعرض للهجوم بسبب الصدق.. الفلوس اللي رميتها دي في كليب وكانت رؤية المخرج الهندي، وهي مش حقيقية.. والشوت اللي أخدته وأنا بدي للنمر الفلوس كان من الكليب وده عن طريقة خوذة فيها كاميرا بتصور الأحداث ومقصدتش أي حاجة”.
وتابع: “ده شغل ولو كل حاجة حصلت رديت عليها يبقى مش هشتغل، أنا لو طايل أشتغل 38 ساعة هشتغل، أنا مش أستاذ جامعة أنا ممثل يعني لو هرمي الفلوس أكيد هيكون مشهد من عمل بقدمه”.
واستكمل أنه يواجه انتقادات كثيرة: “اللي مابيحبوش محمد رمضان والمتربصين كتير، قمة الغباء أن تفعل نفس الشيء وتنتظر نتيجة مختلفة، طول عمري الهجوم ما أثر في مشواري لحظة ومبلتفتش غير لهدفي فقط.. أنا مش كياد أنا ناجح وبشتغل وبس.. معنديش دقيقة فاضية أكلم اللي حواليا وبقضي 18 ساعة تصوير في اليوم”.
واختتم: “أنا عمري ما سافرت خارج بلدي إلا لو لشغل، عمري ما سافرت سياحة زي ما الناس متخيلة، مسافر يعني رايح أعمل شغل”.
عمرو أديب يُعلن مقاضاة محمد رمضان: "لو محدش رباك أنا هربيك"
محمد رمضان يظهر بـ"لوك" مسلسل "موسى" في ضيافة إيمان الحصري
