لاعب بالقسم الثالث يتدرب بأرض زراعية: كورونا السبب ونعاني في الدرجات الأدنى
نشر محمود أحمد الصفطاوي، البالغ من العمر 23 عامًا، ناشئ طنطا ولاعب سابق في مقاولون طنطا والمنصورة وجمهورية شبين ومركز شباب تلا حاليًا، فيديو له أثناء التدريب في أحد الأراضي الزراعية.
وتواصل “القاهرة 24” مع اللاعب للتعليق على الفيديو الذي قام بنشره على صفحته الشخصية أثناء خوضه مرانًا في أرض زراعية باستخدام "كاوتش سيارة" وبعض الصناديق والأخشاب.
وبدأ الصفطاوي حديثه: "والله على قد المعاناة اللي بنشوفها بس هنعمل ايه؟، بنجتهد لآخر نفس عشان نقدر نحقق نجاحاتنا بفضل الله، معاناة في ملاعب ويوجد قلة اهتمام وأشياء كثيرة جدا بنشوفها، ولكن بنصبر عشان دا أكل عيشنا ومستقبلنا وزي ما قلت بنجتهد فيه لآخر نفس، ومستمرين للنهاية إن شاء الله".
وكشف الصفطاوي عن الفيديو: "لجأت لهذا التمرين بسبب ظروف كورونا من العام الماضي لغلق الأندية ومراكز الشباب، لم يكن أمامي حل غير أن أقوم بالجري على أي طريق مفتوح وأفكر أجمع أكبر عدد من الكاوتش والأشياء الموجودة في الفيديو، وأقدر أتمرن عشان مفضلش قاعد".
وأضاف "أهي أي حاجة تبعدنا عن زيادة الوزن والحمدلله على كل شئ" وبكمل السنة دي إن شاء الله تمرين برضوا استعداداً لاكتمال الموسم واستعداد أكبر للموسم القادم بعون الله ولازم كل واحد يفكر يعمل حاجة عشان محدش هيعطلك عن حلمك غير أنك معندكش إرادة بمعنى، حارب لآخر نفس".
وتمنى الصفطاوي من الله عز وجل أن يزيح البلاء والوباء عن الأمة الاسلامية جميعا في جميع أنحاء العالم.
وقال “من وقت تفشي فيروس كورونا والدنيا ملخبطة جدًا وتسببت في توقف الدوري الموسم الماضي لفترة كبيرة، ولكن هذا التوقف في مصلحة صحة الإنسان قبل الكورة وقبل أي شئ”.
وتابع "أما بالنسبة لتوقف الدوري، بيكون صعب جدًا على الناس التي لا يوجد لها دخل غير الكورة، يعني أنا على سبيل المثال خارج مجال الكرة صنايعي المونتال وشيف والحمدلله على نعم ربنا، غيري مش عنده غير الكرة هي فقط مصدر رزقه، ولكن منقدرش نقول غير إن ربنا يعين الجميع وربنا يعدينا من الأزمة دي علي خير".
وعن قلة الإمكانيات في الدرجة الثانية والثالثة، أكد أنها صعبة جداً، وقال إنه في المجال الكروي منذ 10 أعوام ومكمل لآخر نفس فيه، ومؤمن جداً أن صعوبتها في سهولتها وأن الله عز وچل لم يضيع تعب ومجهود شخص طول ما هو بيشتغل على نفسه وبيتعب ربنا هيكافئه".
وفي ختام حديثه مع “القاهرة 24” قال الصفطاوي: “حابب أوجه حديثي لكل أخ ليا ف الدرجات الأدني الثانية والثالثة، ربنا هيكفأك على قدر تعبك ولكن اصبر واتعب واخلق أي شئ ميعطلكش عن تمرينك، ولو الظروف كلها ضدنا لازم نحارب ونقاتل للنهاية، عشان دي اللي بتصنع الرجال حرفيًا”.
الزمالك عن خطاب اتحاد اليد: قداح لن يشارك من الأساس أمام الأهلي
