موسيماني: "احنا الأهلي مينفعش نشتكي من الغيابات.. وعلي لطفي رجل المبارة"
تحدث الجنوب إفريقي بيتسو موسيماني، المدير الفني لفريق الأهلي، عن الفوز الذي حققه على حساب نظيره الزمالك ضمن منافسات مسابقة الدوري، بهدفين مقابل هدف.
وقال موسيماني في المؤتمر الصحفي للمباراة: "مباريات الزمالك بتبقى دائمًا حماسية وفيها ضغط وكل جمهور بيبقى عايز يفتخر بناديه وعايز يكسب".
وتابع: "تسيدنا أول 20 دقيقة وقربنا خطوطنا وعملنا اللي احنا عايزينه، ومتدربين عليه لحد مسجلنا، وأي مباريات بيبقى في متغيرات زي الأمواج والزمالك قدر يتعادل".
وأكمل: "حزين من الهدف اللي دخل فينا لأننا متدربين عليه ازاي نتجنبه وحذرت اللاعبين، وهو نفس هدف نهائي إفريقيا، لكن شريف أيضًا رد بهدف رائع".
وأضاف موسيماني: "بنلاعب فريق كبير ومدرب عنده خبرات كبيرة، ولا نشكو من الغيابات واستعدينا جيد، لكن التراجع في نهاية اللقاء سببه الغيابات اللي بنعاني منها، ورجل المباراة علي لطفي".
وأوضح: "لم يحدث أي مشكلة مع كارتيرون، الناس اللي حواليه سبوني بالبرتغالي، وأنا فهمت كلامهم ورديت عليهم دا كل اللي حصل".
وأشار: "لازم تبقى محترف وتتقبل اللي بيحصل في الملعب ولازم يكون في هدوء بعد المباريات، أنا أحترم كارتيرون فهو مدرب رائع ولم يحدث بيننا مشاكل".
وأردف: "حاولت أدير المبارة ولعبت أكرم يمين ووليد شمال للتغلب على الغيابات، في غياب معلول ووحيد وغيابات كتير بنعاني منها، احنا الأهلي مينفعش نشتكي بغيابات أي حد لازم تأدي، وعلي لطفي رجل المباراة، ويوجد معانا مصطفى شوبير، ولا نحتاج حارس تالت".
وأتم: "بنلعب بدون راحة، مبيحصلش في الدنيا كلها مفيش توقف بين المواسم، وعرفت أن خد أتكلم عن الإصابات سببها مشكلة الإصابات أحمال أنا بحاول أريح اللاعيبة مش تمرين وخلاص علشان أتغلب على ضغط المباريات".
واختتم تصريحاته قائلًا: "برة بيبقى في راحة شتوية وقبل الموسم، ومحمد شريف بيعمل دوره ويسجل أهداف للأهلي ومنتخب مصر علشان كدا هو موجود معانا".
