قبل إعدامه.. متهم بقتل الشهيد محمد مبروك:"وقفنا بعيد عن البيت نغير نمر العربية اللي جابها محمد عويس"

أدلى المتهم محمد بكري هارون، أحد الأشخاص الثالثة المتهمين باغتيال الشهيد محمد مبروك، باعترافات تفصيلية في القضية وكيف خطط ونفذ المدانون بالقتل عملية الاغتيال.

ويقدم "القاهرة 24" لكم خلال عدة حلقات، من أوراق التحقيقات، تسليط الضوء على ما تعرضت له الدولة من خلال موجة العنف التي شهدتها في أعقاب الإطاحة بحكم الجماعة الإرهابية وفض اعتصاماتهم المسلحة التي استهدفت تعطيل الحياة بمصر في 2013.

وضمت قضية عناصر أنصار بيت المقدس، الذين أحالهم النائب العام الراحل المستشار هشام بركات إلى محكمة الجنايات، بتهم تفجير مديريات أمن الدقهلية والقاهرة وجنوب سيناء، واغتيال 40 من ضباط وأفراد الشرطة وقتل 15 مواطنا، والهجوم على منشآت شرطية في القاهرة والمحافظات. 

من التحقيقات.. كيف سهّل تطبيق "easy Call" استهداف الإرهابيين للضباط بعد فض رابعة؟

فتحي سليمان: "الاختيار 2" وثّق الجرائم الإرهابية.. والإخوان أحرقوا 69 منشأة شرطية عقب فض رابعة

وبلغ عدد المتهمين في القضية 200 متهما، وقال المتهم محمد بكري: "تحركنا عشان ننفذ ونقتل مبروك ووقفنا في مكان بعيد شويه عن البيت، وأنا كنت سائق العربية السوداء والمرة دي كان معانا كمان محمد على عفيفى، وكان معاه خزنتين وكلاشنكوف وكان حاططهم تحت رجليه، وكان ماسك كاميرا بيصور بيها، واحنا كنا واقفين بالعربية في شارع إبراهيم الرفاعي قبل المدرسة اللي في الشارع قبل بيت محمد مبروك، وكانت الساعة 9 بالليل، وأدهم كلمني وقالي إن محمد مبروك نزل وبمجرد ما تحركت لاقيته طالع بيعدي من جنبي في الاتجاه المعاكس، فدخلت أول شارع يمين قبل ما يوصل لبيته ودخلت يمين تانى لاقيته معدى من قدامى ودخلت وراه شمال وبعدين يمين وقربت العربية منه، وفهمي وكيمو طلعوا السلاح وضربوه بالنار، ضربوا في حوالى ثانيتين حوالى 10 طلقات، وبعد كده دخلنا شمال لحد ما وصنا شارع السلام".

وتابع المتهم: “ركنا على جنب عشان كنا شايلين نمر العربيات، ووقفنا ركبنا النمر اللى كان جايبها لى محمد عويس، وكلمت أحمد عزت وطلبت منه إنه يكشف الطريق لحد التجمع الخامس، وهو كان سايق عربيته نيسان صنى، وكان واقف مستنينا وراء جامع السلام، وكان عارف إننا رايحين نقتل محمد مبروك، وإنه بعد ما نخلص هايكشفلنا الطريق لحد ما وصلنا أمام أكاديمية الشرطة ونزلت اللى معايا، ومشيت وراه فى طريق ميراج سيتى، وركنا العربيات ما بين الرحاب والتجمع الأول، والفوارغ كانت جوه شنطة الضهر بتاعت سامح، وحطتهم فى شنطة العربية اللانسر السوداء، وقولت لـ عزت يروح وأنا رحت الشقة اللى أجرتها من فترة فى التجمع الأول، وعنوانها 77 إسكان الشباب وركنت العربية بعيد شوية عن البيت وتانى يوم اديتها لأدهم عشان يشيلها”.

وصباح يوم 17 مايو 2015، نُفذ في المتهم محمد بكري هارون، حكم الإعدام شنقا، مع 5 إرهابيين آخرين، داخل سجن استئناف القاهرة.

أسرار 8 أيام في مكتب وزير الداخلية قبل فض رابعة.. كواليس الساعات العصيبة واستهداف الإخوان لطائرة الشرطة (حوار)

قائد فض اعتصام رابعة بـ مسلسل الاختيار 2: تعرضت للتهديد بالقتل وحرق ممتلكاتي (فيديو)