سيدة الرزق الحلال: "بقالي 20 سنة مش بتني رجلي وبشتغل عشان أصرف على عيالي"
قالت السيدة رضا الشهيرة بسيدة الرزق الحلال، إنها تزوجت وعمرها 12 عامًا، وكانت تعمل حتى بعد وفاة زوجها، مشددة على أنها تعمل منذ 35 عامًا في المخابز والفنادق.
وأضافت في لايف لـ"القاهرة 24": "أنا جوزي مات من قريب، لكن أنا بشتغل من 35 سنة في الأفران والفنادق".
وتابعت: "أنا بشتغل عشان أصرف على ولادي، لكن قصرت معاهم في تعليمهم، كان نفسي يتعلموا عشان التعليم مهم، لكن ربيتهم بالحلال الحمد لله، وعودتهم يراعوا ربنا في كل حاجة"، مشيرة إلى عملها أكثر من مناوبة يوميُا حتي تستطيع تربية أولادها".
واستكملت رضا: "أنا عندي 3 ولاد وبنتين، ولما بنتي عملت حادثة الحمد الله قدرت أعالجها والناس شاهدة على ده".
من جانبها قالت:" أنا عملت حادثة في التجمع لما كنت رايحة الشغل، وقعدت في مستشفى النادي الأهلي 15 يوم، وبقالي أكتر من 20 سنة مش بعرف أتني رجلي، وبتعب وأنا بركب المواصلات".
وأشارت إلى عملها الدائم على الرغم من مرضها، قائلة: "لازم اشتغل عشان محتجش لحد، وأصرف وأربي عيالي".
تداول مستخدمو مواقع التواصل الاجتماعي، فيديو لسيدة مصرية بسيطة، ظهرت في برنامج مذيع الشارع، الذي يقدمه الإعلامي أحمد رأفت، وبعد إجابتها على سؤال المسابقة، قدم لها المذيع مبلغا ماليا، إلا أنها صُدمت قائلة: "هي كده الفلوس دي حلال..عشان أنا مشقتش فيها"، إلى أن انتشر الفيديو بسرعة البرق، نظرا لردة فعل السيدة التلقائية.
