"ادفع اللي عليك يا نجم بدل الفضيحة".. زوجة أحمد الفيشاوي تهاجم محمد رمضان

علقت نادية الكامل، زوجة الفنان أحمد الفيشاوي، على أزمة محمد رمضان مع مصمم الأزياء أشرف فجلة، الذي خرج عن صمته وكشف عدم دفع الفنان له ثمن ملابس حصل عليها منذ عامين.

وكتبت نادية، منشورًا عبر حسابها الشخصي بموقع التواصل الاجتماعي “فيس بوك”، وقالت: "ما تدفع يا نجم تمن الهدوم اللي خدتها.. وخليت مدير أعمالك مايردش على الراجل الترزي سنتين ولما جه عندك عاملوه بطريقة بايخة، كنت ادفع أحسن من الفضيحة دي، ادفع تمن الـ4 سديري والـ3 بدل.. والا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية وفاكرنا عبط ومنعرفش الأصلي من المضروب".

وتابعت: "لكن ماتقرفناش كل شوية تجيبلك هدمتين أو حد يدهوملك هدية من اللي طال عمره على شوية من الترزي وتطلع علينا.. versace نفسه مش كل هدوموا فيرساتشي يا خايب.. من فضلك يا نجم البس في صمت وادفع اللي عليك.. ورجاء أخير ياريت تنطق كلمة versace صح".

وسبق، خرج أشرف فجلة مصمم أزياء المشاهير عن صمته، بعد خلافات دامت لأشهر مع الفنان محمد رمضان، بسبب عدم حصوله على مستحقاته المالية.

وقال فجلة: "أنا كنت اتعاملت مع حضرتك من حوالي سنتين، أول تعامل بينا كاوا بالطو، وكان هدية مني لحضرتك، ونزلت ساعتها بوست وشكرت فيّ، وبتشجعني إني أتعامل مع حضرتك، وهيكون في شغل كتير بينا".

وأضاف في تصريحات صحفية: "بعد كده فصلت 3 بدل لحضرتك، وقولتك قيس الأول بعدين نتحاسب، وبعد ما قيست ركبت عربيتك ومشيت، واستنيك تكلمني بعدها عشان تحاسبني".

وتابع: "بعد كده عملت 4 صداري، واحد منهم طلع بيه في أغنية مافيا، واحد تاني طلع بيه في أول حفلة ليه في الساحل الشمالي".

المهن التمثيلية تشكل لجنة عاجلة لفحص شكوى أسرة إسماعيل ياسين ضد مسلسل محمد رمضان (بيان)