زوجة أحمد الفيشاوي لمحمد رمضان: "جاهل جاحد أهوج.. ومحتاج تاخد خبطة في راسك تنسيك إنك كنت سبب في قتل إنسان"
وجهت نادية الكامل، زوجة أحمد الفيشاوي، رسالة إلى الفنان محمد رمضان، بعد أزمته مع الراحل الطيار أشرف أبو اليسر، والذي توفي داخل غرفة العناية المركزة، عقب تعرضه لأزمة صحية.
وكتبت نادية الكامل، منشورًا عبر حسابها الشخصي بموقع تبادل التواصل الاجتماعي “فيس بوك”، وقالت: “يا نجم مش عيب أبدًا إن الإنسان يكون غني ومعاه فلوس ومبسوط بيها طالما هو شقي وتعب فيها.. بس العيب عليك دلوقتي مفيش دلوقتي في العالم كله وبتكلم عن الناس اللي معاها فلوس حد ماشي زيك كده!!".
وتابعت: "جاهل جاحد أهوج.. الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك.. ومفيش حد دلوقتي غير وهو عنده life coach بيعلمك ويعرفك تطلع تقول إيه وإزاي وإمتى ودي مش عيب أبدا".
وأضافت: “الحاجات دي اتعملت مخصوص للناس اللي زيك.. اللي هما في مستوى عقلي واجتماعي ضعيف أو ناس أغنيا جدا ولازم team يدير الفلوس دي ومعاها حد يعرفك بتعمل إيه.. طبعا ده غير خلفيتك الفقيرة اجتماعيًّا ودنو نفسك وضعفها وكرهك لنفسك قبل الناس، وأنك قليل التعليم وده مش ذنبنا.. بجد أنت محتاج علاج ومحتاج تاخد خبطة في رأسك تنسيك أنك كنت سبب في قتل وموت إنسان وعيلته عشان معتقدش إن فيه إنسان يقدر يعيش ب ذنب زي ده وتبعاته.. يا نجم أنت الوحيد اللي أثبت صحة ومعنى كلمة الطبقية بجد”.
وكانت أزمة اندلعت بين الفنان محمد رمضان والطيار أشرف أبو اليسر، بعد أن سحبت وزارة الطيران ترخيص أبو اليسر مدى الحياة، بعد أن سمح لرمضان بالدخول لمقصورة الطائرة، والتصوير داخلها، بعدها دخل الطرفان في نزاع قانوني وقضائي انتهى بتغريم رمضان مبلغ 6 ملايين جنيه تعويضًا عن الضرر الذي لحق بأبو اليسر.
