إسلام حافظ: "أكتر من منتج قالولي مستحيل يتعمل بين السما والأرض مسلسل"
احتفل المؤلف إسلام حافظ، بانتهاء عرض حلقات مسلسله “بين السما والأرض”، حيث توجه بالشكر لفريق العمل، وإيمان المنتج تامر مرسي بتحويل رواية نجيب محفوظ لعمل درامي.
وكتب حافظ على حسابه الشخصي بـ"فيس بوك": “بعد عرض الحلقة الأخيرة عايز أشكر محمد العدل على اجتهاده وسعيه لخروج المسلسل في أفضل صورة، ولازم أشكر أستاذ حسام شوقي لأنه وثق فيا و وافق واتحمس، عمرى ما هنسى ميتنج الللاست ساموراي (كنت قاعد معاه بحكيله المسلسل هو بيشد في شعره) الراجل ده دعمني ومؤمن بيا وقف جنبي واستحملني، وشكرًا أستاذ يسرى الفخراني على دعمك ليا في هذا المشروع (غير التقليدي)”.
وتابع: “شكرًا أستاذ تامر مرسي، أنا على مدار سنين فيه أكتر من منتج قالولي بعدة أشكال ( بين سما مين!! بلاش جنان!! ده مستحيل يتعمل مسلسل!! ) شكر خاص جداً لاصدقائي المهمين في حياتي ومنهم أساتذه بجد بتعلم منهم، معظمهم لما كانوا بيقروا حلقات بين السما كنت بحس قد إيه بيحبوني حب صادق، واللي ما كنش بيقرا كان يشحني إيجابي جدا وهو بيسمع الحكاية وأعتقد من غيرهم مكنش هيبقى فيه مسلسل بين السما والأرض”.
واستكمل: “شكرًا زملاء المهنة المخلصين.. مش هقولهم كلهم، كام اسم كده غلاسه ومحبه:السيناريست صلاح الجهيني.. المخرج سميح النقاش.. المخرج هاني خليفه ( بتعلم منه طول الوقت حاجات بسيطة زيه).. مدير التصوير عمرو فاروق.. الجميلة ليلى علوي ( بعد قرائتك لثمان حلقات كان ضوء مطمئن نسبيًا.. الجميلة روبي كرو الإنتاج بقيادة محمد عادل المنتج الفني والأستاذ أحمد السيد”.
واختتم: “وأخيراً كل ممثلين هذا العمل أشكركم لأن ثقتي في نفسي كانت مهزوزه وأنتوا طمنتوني نسبياً برضه، الحمد لله والشكر لله تم بحمدلله مش بشطارة حد فينا احنا بنعمل اللي علينا والباقي ميخصنااش،، و من بكره هسلمكم إنچي علاء ويوسف الشريف وأستاذ أمد نادر كوفيد 25”.
ماندو العدل: "بين السما والأرض" مشروع مرعب.. والتحضيرات وصلت لـ16 ساعة يوميًّا
ماندو العدل يشوق جمهوره للحلقة 14 من "بين السما والأرض": "مينفعش تتشاف بإعلانات"
