نيللي كريم لـ"شيخ الحارة": "منتج التوربيني قالي أنتي مستهترة ومرجعتش العربون" (فيديو)
كشفت الفنان نيللي كريم عن ترشحها قبل النجمة هند صبري لبطولة فيلم "التوربيني" ولكن حدث خلاف أدى إلى عدم مشاركتها في الفيلم، قائلة: "اترشحت لفيلم التوربيني وحضرت بروفتين وكان إخراج أحمد مدحت واشتغلت معاه بعد كده فى مسلسل اختفاء ولكن مكناش نعرف بعض وبعدين بقينا أصحاب".
وأضافت نيللي كريم، خلال حوارها ببرنامج "شيخ الحارة والجريئة" مع المخرجة إيناس الدغيدي، على قناة القاهرة والناس، أن المنتج هشام عبد الخالق كلمها وقال لها: "أنا عايز أقولك حاجة احنا مش عايزينك فى الفيلم وكنت مضيقة ووخدة عربون ومرجعتش العربون وقلت لهم مش هرجع العربون".
وتابعت: "المنتج قالي مش عايزينك علشان أنتي مستهترة ومقليش تفاصيل ومعرفش لحد دلوقتي السبب ومشيت من الفيلم والفيلم الحمد لله منجحش"، مؤكدة أنه ليس من الأفلام التي تغضب لعدم مشاركتها فيه كما أنها ليست على خلاف مع أيا من النجوم الذين شاركوا في الفيلم، والعربون حقها لأنهم هم الذين استبعدوها من الفيلم.
نيللي كريم: "نكدي وحش وقراراتي مفاجئة وحظي قليل مع الرجالة"
نيللي كريم: "مبيتعرضش عليا مشاهد قبلات"
