سمية الخشاب لجمهورها: "متحطموش شخص بكلام سلبي.. كفاية استهانة"
وجهت الفنانة سمية الخشاب رسالة مؤثرة لجمهورها لبعث التفاؤل والأمل، مطالبة من الآباء بعدم التقليل من قيمة أبنائهم بل تشجيهم على أي موهبة يتميزون بها.
وكتبت سمية الخشاب، تدوينة عبر حسابها الشخصي على موقع التغريدات القصيرة "تويتر"، وقالت: "أرجوكم خدوا الصحة النفسية من محمل الجد، مفيش حد غبي مفيش حد شكله وحش، مفيش حد مش موهوب، كل إنسان بيتميز عن أي إنسان تاني زي البصمة بالظبط".
وتابعت: "يا جماعة متقولوش كلام سلبي لأي شخص، متحطموش شخص، متتنمروش على شخص لأي سبب من الأسباب، لون عرق جنسيته، كلنا أتواجدنا فالكون عشان ننقذ ونساعد بعض ".
وأردفت: "أرجوا الآباء والأمهات أنهم يعاملوا ولادهم كويس وميحقروش منهم وميقللوش منهم قدام أي حد، وينمولهم الحاجه اللي بيحبوها مش الحاجه اللي هما شايفنها صح وبس بدون إقناع".
واختتمت سمية حديثها قائلة: "لو كل واحد لقي دعم من أقرب الناس له، اللي هما أهله صدقوني مهما كان هو متأخر إزاي هيتقدم ويبقي متفوق، أي كان المجال بتاعه الإكتئاب والانتحار موجودين وياريت كفاية استهانة بيهم".
