لم يكتفيا بالزنا.. سمر تتفق مع عشيقها على قتل زوجها ليستمتعا بالحرام (مستندات)
"أنا بحبك بس جوزك عقبة في طريق حبنا"، بهذه الجملة، تمكن العشيق من السيطرة على عقل الزوجة التي لم تشفع عندها عشرة العمر، وقررت التخلص من زوجها من أجل المتعة المحرمة.
أكثر من عامين قضتها "ج.ح" 25 سنة، في خيانة زوجها بالمتعة الحرام، وطعنها له في ظهره، حيث تغلبت عليها الرذيلة في أدنى صورها، وخططت مع عشيقها للتخلص من زوجها ليخلو لهما الجو.
حصل "القاهرة 24"على نص التحقيقات في الواقعة، وهي قيام ربة منزل "ج.ح" بالتخلص من زوجها عبدالرحيم الكردي، 39 سنة، ويعمل فنيًّا بجهاز مدينة 6 أكتوبر، بالتعاون مع عشيقها "م.ط" 25 سنة، الذي تربطه بها علاقة غير شرعية.
وشرعت جهات التحقيق في سؤال المتهمة.
س: ما تفصيلات اعترافك؟
ج: اللي حصل إن أنا متجوزة من عبد الرحيم الكردي، من أربع سنين، وكنا ساكنين في شقة إيجار في فيصل لحد من سنة وأربع شهور، حصل بينا اختلافات كتير بسبب إنه بيضربني، وقررنا إننا نتطلق واتفقت مع واحد ياخد العفش بتاعي وروحت عشت في شقة إيجار، وخلال الفترة دي اتعرفت على "م.ط" كان في ناس بتعاكسني في الشارع وهو اتدخل وبعّدهم عني، ومن وقتها اتعرفنا علي بعض وبعدها بفترة بدأ التواصل بيننا لحد ما بقت علاقة عاطفية وتطورت إلى علاقة محرمة، وكان بيجينى البيت وبنتقابل، عشنا علاقة محرمة لمدة عامين تقريبًا، وبعد كدا فكرنا في التخلص من زوجي حتى يخلو لنا الجو.
س: وماذا بعد؟
ج: ابتدت معاملتى مع جوزي كل يوم تتعقد أكتر، بسبب تعديه عليا أكثر من مرة بالضرب وأحدث إصابات بيه كثيرة، وقولتله أنا مش هينفع أعيش معاك، واتفقت معاه إني أسيب البيت، وبعدها عرفت إن "م.ط" تعبان جدا وقاعد عند خالته روحت زرته واتفقنا على الجواز العرفي، وفي يوم قالي لازم نرجع لبعض ونخلص على جوزي عبدالرحيم، لاستمرار زواجي العرفي واتفقنا على الخطة وجيه يوم التنفيذ، كنت أنا رجعت بيت زوجي واتفقت مع "م.ط" إنه هيجي بالليل وأول جوزي ما جه انقضضنا عليه حال نومه في غرفته، وكتمنا نفسه وطعناه مرتين في صدره حتى فارق الحياة، ودخلنا الجثة للحمام وبعدين “م.ط” راح جاب الموتوسيكل وخد الجثمان ورماه بعيد.
