السيسي: أتمنى تطوير المجرى الملاحي جنوب القناة ينتهي في أقل من عامين
قال الرئيس عبد الفتاح السيسي، رئيس الجمهورية، إن هيئة قناة السويس عملاقة وشركة لها رؤية في المحافظة على مرفقها وتطويره بما يتلائم ويتوافق مع حركة التجارة في العالم.
وأضاف رئيس الجمهورية، خلال كلمته، منذ قليل: "اللي انتوا سمعتوه النهاردة عن تحسين حركة المجرى الملاحي في الجزء الجنوبي، الجزء اللي حصل فيه المشكلة، نقول إنه آخر 50 كيلو، سواء الـ10 الموجودين في البحيرات المرة أو على امتداد الجزء الآخر حتى خليج السويس.. كنت أتمنى إن اللي يعمل الشغل كله هيئة قناة السويس، يعني عندنا كراكات كبيرة وعملاقة، وفي كراكة هتنضم للأسطول في شهر أغسطس، وبالتالي ممكن إحنا كهيئة بمواردنا ومعداتنا نقوم بالعمل ده، ويمكن الاستعانة ببعض الشركات".
وأردف السيسي: “هل المدة 24 شهر؟ أتمنى المدة أقل من كده، أنا مش عايز ألزم ومش عايز أحشد موارد ضخمة جدًا لعملية التوسعة، إحنا هنتحرك ونشتغل بإمكانيات الهيئة وممكن الاستعانة ببعض الشركات إذا تمّ تقديم عروض مناسبة لموضوع التكريك اللي انتوا عايزين تعملوه ده خلينا ننطلق ونتحرك فيها ونعملها، وأظن إننا مش محتاجين نعمل تاني كدة يا دكتور مصطفى”.
وتفقد الرئيس عبد الفتاح السيسي، اليوم عددًا من المشروعات التنموية والحيوية بهيئة قناة السويس بمحافظة الإسماعيلية، كما يفتتح محطة إرشاد ضمن 16 محطة على طول المجري الملاحي لقناة السويس بالثلاث مدن الإسماعيلية، السويس، بورسعيد، ضمن منظومة التحول الرقمي.
من جهتها كشفت مصادر ملاحية مطلعة بمجلس إدارة قناة السويس، تطوير نحو 16 محطة إرشاد، على طول المجرى الملاحي من خلال شاشات إلكترونية مدون عليها كل البيانات المطلوبة لمرشدي السفن طول رحلة عبور القناة، وتتضمن سرعة الرياح ودرجات الحرارة وطول الأمواج وغيرها.
كما يشمل برنامج زيارة الرئيس عبد الفتاح السيسي، افتتاح المقر الجديد لإدارة الأنفاق والكباري بمدينة الإسماعيلية الجديدة.
