عمرو محمود ياسين عن نهاية "اللي مالوش كبير": "مش بعمل نهايات على الكيف.. ومش هخالف ضميري عشان حد"
شوّق السيناريست عمرو محمود ياسين جمهوره بأحداث الحلقة الأخيرة من مسلسل "اللى مالوش كبير"، بطولة ياسمين عبد العزيز، والذي يُعرض حاليًا في السباق الدرامي الرمضاني عبر شاشة قناة "CBC".
وكتب عمرو محمود ياسين عبر حسابه الشخصي بموقع التواصل الاجتماعي "فيسبوك": "الدم بيجيب دم والافترا والبلطجة عمرهم ما يحموا إنسان أو يضمنوا له حياة سعيدة أو مريحة اللي عايز يتوب يتوب، بس مش بعد خراب مالطة، عشان كده في شطر في التتر بيقول واللي يختار غلط سكوته يدمره، بمعنى أن اللي يختار غلط ويفضل ساكت على غلطة مع الوقت هيتدمر".
واستكمل عمرو محمود ياسين: "و ده اللي حصل مع الخديوي في الحلقتين اللي فاتوا راح منه أخوه وراح صديق عمره وراح الجنين اللي كان في بطن أمه، دي النتيجة الطبيعية".
وتابع: "أما بقى اللي كان مستني قصة حب بين بلطجي كيوت وست حلوة ومتضايق وبيقولي إحنا بنتفرج عشان نتبسط وزعلانين مني قوي فأحب أقولك إن ده مسلسل تراجيدي".
واختتم: "مش هخالف المنطق ولا ضميري عشان بعض الناس تتبسط، أنا مش بعمل نهايات على الكيف يا جماعة أنا بعمل النهاية اللي أشوفها منطقية واللي عايز يتبسط وهيه وكده يروح دريم لاند مثلا".
