حورية فرغلي: "مجلس الوزراء ساعدني في الحصول على فيزا أمريكا رغم الغلق"
تحدثت الفنانة حورية فرغلي عن المعاناة التي تعرضت لها بعد كسر أنفها، وتشوه وجهها وعدم قدرتها على الشم والتذوق.
وقالت حورية خلال حوارها مع الإعلامي يوسف الحسيني ببرنامج “التاسعة” على القناة المصرية الأولى: “بقالي سنتين مخرجتش برا البيت وفقدت ثقتي بنفسي كست ومشوفش نفسي قدام المراية ومكنتش بشم أي ريحة ولا أحس بطعم أي أكل.. والتنمر اللي كان عليا شبه مايكل جاكسون ودي شكلها مرعب وتعمل أفلام رعب مش محتاجة ميك أب واتصدمت في الناس وخصوصًا بعد ما كنت ملكة جمال وبقيت مشوهة”.
وأضاف: “ومحدش بيسأل عليا خالص وكان عندي 6 كلاب كلهم ماتوا، ورانيا محمود ياسين هي الوحيدة اللي مسابتنيش ثانية وهي بنت أصول ومفيش منها اتنين، بعدما ظهرت واتكلمت عن حالتي وقولت خلاص مش عايزة أعيش وإني اتشوهت، بعدها بدقائق حد كلمني من مجلس الوزراء وأعطاني معاد لأتوجه للسفارة الأمريكية وأعطوني الفيزا وسافرت”.
وأضافت: “كان لدي صديقة 30 سنة خانتني وأفصحت عن أسراري وأصبحت محتفظة على أحاديثي مع الناس، وأغمى عليا في أمريكا ونزفت والتحاليل أثبتت إنها كانت بسبب الإجهاد، والدكتور قالي إني مش هعمل عملية واحدة لكن هتبقى 4 عمليات، وأخد من عضم الخد عشان مكنش ينفع ياخد من عضم الصدر، وكل يوم كنت باخد أنتي بيوتك وجلسات أكسجين، مكنتش عايزة أرجع حلوة زي ما كنت عايزة بس أبقى بعرف أشم وأكل من تاني ومبقاش خانفه”.
وأشارت إلى أنها فوجئت بمهاتفة وسؤال العديد من الأشخاص الذين لم يكن في حسبانها أن يسألوا عنها منهم لبلة ومادلين طبر ولطيفة وصفية العمري ونبيلة عبيد وسهير رمزي ونجوى فؤاد وشريف منير وإيمان الحصري وسيد علي والمطربة أمينة.
