مها أحمد تكشف تفاصيل خلافها مع السقا: "كلمته وعيطت وقولتله زعلانة إني مبشتغلش فجابلي دور كومبارس" (فيديو)
كشفت الفنانة مها أحمد تفاصيل خلافاتها مع صديقها الفنان أحمد السقا، وذلك بعد المنشور الذي كتبته على حسابها الشخصي بـ"فيس بوك"، وأحدث جدلًا واسعًا على مواقع التواصل الاجتماعي، عقب إعلان الشركة المتحدة للخدمات الإعلامية إيقاف التعامل مع محمد سامي مخرج مسلسل “نسل الأغراب”.
وقالت مها أحمد في بث مباشر على حسابها الشخصي بـ"فيس بوك": “لجأت لصديق ليا كان زميلي وزميل جوزي.. وكان بيروح عند جوزي في بيته وأهل جوزي كانوا فاتحين ذراعيهم ليه والعكس.. مش عيب أني أتكلم معاه وأعيط وأقوله أني حزينة بسبب قعدتي في البيت.. قولت لمجدي أنا هكلم زمايلنا اللي هما نجوم وقوليلهم أني عايزة اشتغل.. قالي متعمليش كده عشان متقلليش من نفسك.. معملتش بكلام مجدي وكلمته وعيطت.. وابتديت ادخل في مرحلة اكتئاب لأني عايزة اشتغل.. بعد يومين لقيته بيكلمني يقولي في دور حلو اوي”.
وتابعت: “ قالي بس كلمي المخرج وافهمي منه.. ووافقت وأنا كنت في ساعتها في أشد الاحتياج أني اشتغل.. اتفاجئت أنه اتبعتلي دور غير اللي قالي عليه.. ومكنش فعال ومليش لازمة في المسلسل.. كان ممكن تقول لأصحابك شغلوا مها.. رحت طبعًا واستغربت جدًا عايزة أكلمه.. كنت قولي إنه دور كومبارس ومش هزعل منك.. مكنش لازم أشحت كويس إنكم مترجمنها على إنها شحاته رغم أني كنت مترجماها على إنها سعي”.
والدة أحمد السقا تعلق بعد منشور مها أحمد: "كومبارس فاشلة تبحث عن الشهرة بطريقة بذيئة"
مها أحمد: "الناس كانت بتقرب لي لما كنت بقبوظة وأما خسيت بعدوا عني"
