مها أحمد عن أمير كرارة: "جالي اكتئاب وبقيت باخد أدوية بعد ما اتعشمت فيه" (فيديو)
قالت الفنانة مها أحمد إنها تعرضت للخذلان من الفنان أمير كرارة، وذلك خلال اجتماعها به على هامش إحدى المناسبات، ومطالبته بالمشاركة معه في أحد الأعمال، وذلك أثناء فترة جلوسها بالمنزل بعد نقصان وزنها.
وتابعت في بث مباشر على حسابها الشخصي بـ"فيس بوك": “قابلت زميل تاني.. كنت بشتغل في شركة وكنت بعمل برنامج وهو كمان كان بيعمل برنامج قبل ما يتشهر.. ويشوفني يقولي يا أستاذة ونوع من الرقي.. وقولت يابت مافيش مشكلة في نوع من العشم.. دخلت وقولتله مبروك إيه بقى مش هنشتغل مع بعض.. راح باصصلي كده وقايلي الدور بينادي صاحبه طبعًا أنا استغربت للرد.. كان ممكن يقولي ربنا يسهل أو حاجة”.
وأستكملت: “بناءً على اللي حصل جالي اكتئاب وعيطت كتير جدًا.. أنا تعبت وأخدت أدوية ومازلت باخد الأدوية لحد دلوقت.. شئ طبيعي لما ألاقي فيها حاجة بها رد اعتبار ليا.. هتكلم وأكتب على صفحتي.. وأنا كتبت بصراحة شديدة.. ولا بشمت في حد ولا عايزة.. ولو عايزة أشمت هشمت في نفسي أني أحسن من ناس كتير وقاعدة في البيت.. ربنا كارمني أن أعمالي بتتعرض على الشاشة.. ولسه في حكايات كتير مع زملاء كتير هحكيها”.
كما كشفت الفنانة مها أحمد تفاصيل خلافاتها مع صديقها الفنان أحمد السقا، وقالت: “لجأت لصديق ليا كان زميلي وزميل جوزي.. وكان بيروح عند جوزي في بيته وأهل جوزي كانوا فاتحين ذراعيهم ليه والعكس.. مش عيب أني أتكلم معاه وأعيط وأقوله أني حزينة بسبب قعدتي في البيت.. قولت لمجدي أنا هكلم زمايلنا اللي هما نجوم وقوليلهم أني عايزة أشتغل.. قالي متعمليش كده عشان متقلليش من نفسك.. معملتش بكلام مجدي وكلمته وعيطت.. وأبتديت أدخل في مرحلة اكتئاب لأني عايزة أشتغل.. بعد يومين لقيته بيكلمني يقولي في دور حلو أوي”.
وتابعت: “ قالي بس كلمي المخرج وأفهمي منه.. ووافقت وأنا كنت في ساعتها في أشد الاحتياج أني اشتغل.. اتفاجئت أنه اتبعتلي دور غير اللي قالي عليه.. ومكنش فعال ومليش لازمة في المسلسل.. كان ممكن تقول لأصحابك شغلوا مها.. رحت طبعًا واستغربت جدًا عايزة أكلمه.. كنت قولي إنه دور كومبارس ومش هزعل منك.. مكنش لازم أشحت كويس إنكم مترجمنها على إنها شحاتة رغم أني كنت مترجماها على إنها سعي”.
أمير كرارة يرد على هجوم مها أحمد بسبب "نسل الأغراب": "عمري ما شفتها" (صورة)
مها أحمد: "الناس كانت بتقرب لي لما كنت بكبوظة وأما خسيت بعدوا عني"
