محمد سلامة مخرج "موسى": "محمد رمضان ممثل كوميدي بالدرجة الأولى.. وصوّر مشاهده 40 يوما حافي القدمين"
كشف المخرج محمد سلامة، كواليس تصوير مسلسل “موسى” بطولة الفنان محمد رمضان، والذي عرض في السباق الرمضاني الماضي، وكان من تأليف الكاتب ناصر عبد الرحمن، وإنتاج شركة سينرجي.
وقال سلامة خلال ندوته بـ"القاهرة 24" إنه عندما التقى الشركة المنتجة قال لهم إن مسلسل موسى لن يكرر مرة ثانية: “قولتلهم العمل ده هيتعمل مرة واحدة فقط.. هي خبطة واحدة بس لن يتكرر، عشان التركيبة دي صعب تتكرر صعب يكون معاك نجم مثل محمد رمضان له جمهور في كل بيت عربي، مش هعرف أعمل التركيبة والإبداع ده مرة تاني”.
وتابع سلامة: “أنا حبيت إن كل الشخصيات الشريرة واللي كانت كل دوافعها الحب.. متلاقيش حد شرير أنت زعلان منه والشخصيات الطيبة رايحين مع الحب مثل شهاب باشا.. ودي كانت أكتر حاجة جذباني للمسلسل".
وأما عن مشهد ظهور “نجاة” تارا عماد- لحبيبها موسى قبل زواجه على “حلاوتهم”، فأكد سلامة أنه كان من أصعب المشاهد التي صورها خلال العمل: "كان موترني جدًا إزاي هرجع بشخصية انتهت وهتطلع لواحد مثل موسى وبيتجوز وهو مبيتخيلش خالص".
بينما رد سلامة على الانتقادات التي توجه للفنان محمد رمضان، وهل تخوّف من العمل معه؟، فقال: “أول ما جيت أشتغل ناس كلمتني وقالتلي خلي بالك من محمد رمضان ده بيتدخل وبيغير ولكن اكتشفت العكس تمامًا.. أنا أعرف محمد رمضان من 13 سنة.. ممثل كوميدي من الدرجة الأولى”.
كما تحدث سلامة عن مشهد ارتداء “موسى” الحذاء لأول مرة، والذي كان كوميديًا: “قالي عيب أحط رجلي في وش الخواجة وكده وكان خايف.. ودي كانت بداية إن يكون موسى دمه خفيف وبدأ ينسى الماضي بتاعه”.
وتابع: “لما مسكت مسلسل موسى كنت بقول معايا ورق حقيقي والمسلسل ده مش سهل.. لما قولت لمحمد رمضان على المسلسل قولتله مش سهل البطل حافي.. محمد رمضان فضل يصور مشاهد موسى 40 يوم حافي في عز التلج.. ولم يتذمر ولا مرة ومجاش قال أنا زهقت”..
المخرج أحمد الجندي بدلًا من محمد سلامة في مسلسل "الحرامي 2"
