محمد شاهين يكشف سبب تعاونه مع حمو بيكا: "قلة حيلة وفقدان أمل" (صورة)
رد المطرب محمد شاهين على مطرب المهرجانات الشهير حمو بيكا، وذلك بعد إساءته له بسبب أغنيتهما الأخيرة، التي تعاونا فيها، ولكن الأخير طرحها دون علم الأول؛ ما تسبب في وجود خلافات بينهما.
وكتب شاهين على حسابه الشخصي بـ"فيس بوك": “امبارح المحترم بيقول عليا اللي اسمه محمد شاهين.. أنا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة.. والله العظيم أنا روحت أغني الأغنية دي بس قلة حيلة وفقدان أمل".
وتابع: "بس لكن من جوايا وأنتم عارفين لا شكلي ولا فني اللي بحبه عشان أروح أعمل كدة دي كانت غلطة وذلة مني فقط لا غير وأنا ميشرفنيش أغني مع حد مش مقدرني ومش على دراية بأي شئ ولا يفقه في المزيكا أي حاجة كمان غلطة وأنا هجيب حقي كدة كدة.. واستنوا مني اللي دايمًا متعودين مني عليه”.
وسبق، وأوضح مطرب المهرجانات حمو بيكا موقفه من طرح أغنية “قلبي شايل وجع” التي تجمعه بالمطرب محمد شاهين، مؤكدًا حرصه على تأجيل أعماله تضامنًا مع القضية الفلسطينية.
وكتب حمو بيكا عبر صفحته الفنية على موقع التواصل الاجتماعي “فيسبوك”: “بخصوص أغنية قلبي شايل وجع بتاعتي أنا واللي اسمه محمد شاهين.. أنا مطلبتش إن الأغنية دي تترفع الأغنية دي اترفعت.. وأنا نايم لأني قبل ما أنام كنت عامل لايف إني مأجل شغلي بالكامل تضامنًا مع أخواتنا في بلدنا التانيه فلسطين.. وإن الأغنية تم فتحها والشير بدون علم مني.. وإن الشركة المسؤلة عن السوشيال ميديا”.
وتابع: “هي اللي فتحتها.. ملحوظة الأغنية دي أصلا.. مش من ضمن شغلي.. تحياتي لكل أخواتي وأهلي وجمهوري الكبير اللي بيحبني وبيسمعني في جميع محافظات مصر والوطن العربي.. أنتم على رأسي”.
