نصب على المستخدمين وتلاعب بالأرصدة.. عملاء فودافون يطلقون حملات لمقاطعة الشركة بسبب سوء الخدمة
تحظى شركة فودافون بالعدد الأكبر من شكاوى مستخدمي شبكات الاتصالات في مصر، خاصة خلال الفترة الأخيرة التي زاد فيها الإقبال الكبير على الإنترنت وزيادة المكالمات والاستهلاك، ورغم ذلك لم ترفع الشركة من مستوى الخدمات المقدمة للعملاء، لذا هناك دائما شكاوى على وسائل التواصل الاجتماعي من شعف الخدمة أو الشبكة أو مشاكل محفظة فودافون، والتي نرصد عددا منها.
ويقول أحد المستخدمين سامح صلاح: " فودافون مصر، ناهيك عن تغطية الشبكة اللي تقريبا ما بقتش موجودة وعن مدي صعوبة إجراء أو استقبال مكالمة واحدة كاملة، لأ فودافون بتكمل سوء خدمتها بالعروض الوهمية وفريق خدمة العملا اللي بتدرب إزاي يخدع العميل ويقفل معاه المكالمة بإصرار إن الخطأ من عنده مش من عند الشركة المحترمة اللي شغال فيها".
شكاوى مستخدمي شبكة فودافون
ويتابع صلاح: "دي تجربة واحدة من تجارب كتير مريت بيهم معاهم في الفترة الأخيرة اللي بقيت بحس فيها إن الشركة عندها تعالي غير مبرر تجاه عملاؤها وكأنها بتقول مفيش عندي غير كده حبيت بس اشارك تجربتي الأخيرة معاكم، اشتركت في عرض تجديد باقة الفيليكس مقابل 2240 فيليكس بدل 1400 فيليكس وشحنت فالباقة اتجددت علي 1400 بس، المضحك في الموضوع إني لما كلمت خدمة العملاء كان رد الموظف الموقر عليا إن اه انا فعلا اشتركت في العرض لكن عندي مشكلة في موبايلي خلي العرض مش فعال معايا قولتله لأ مش فاهمك معني كلامك ان في مشكلة هاردوير في موبايلي مثلا ترس العروض مش شغال فيه قاللي والله يا فندم مش هقدر افيدك بس بأكدلك ان دي مشكلة عند حضرتك وإن شاء الله حاول الشهر الجاي".
تلاعب فودافون بباقة النت
وأيضا مع تردي وضع الشبكة انتشرت حملات مقاطعة في العريش، يقول حساب باسم ضياء قدورة: "أغلب مدينة العريش تقرر إيقاف التعامل على خطوط فودافون بسبب عدم توفر وسيلة الاتصال الجيدة في هذه الخدمة وقد أعلن أغلب أهالي العريش مقاطعة الخدمة".
ويشتكي مستخدم باسم محمد الشريف قائلا: " لدي شكوي بخصوص شركة فودافون، قامت الشركة بإرسال رسالة تم تجديد الباقه علي النوتة، وكنت كل ما اشحن رصيد تم خصم بدون استخدام الباقة، وقامت الشركة بوقف استخدامي للباقة خلال أول اربع ايام وبعد اتصالي بخدمة العملاء، تم الرد عليا في حالة سداد تمن الباقة وهوا مبلغ وقدرة 86 جنية رصيد بقيمة 125 جنية فلوس وبعد ما قمت بالشحن وسداد المبلغ لم اجد رصيد في الباقه وعند اتصالي مرة أخرى بخدمة العملاء كان الرد أن ده سيستم شركة".
وطالب حساب باسم حياة صافية بمقاطعة الشركة قائلا: " قاطعوا شركة فودافون النصابة، مضيفا: عمالين تحجبوا الكومنتات في صفحو فودافون يا فشلة بدل ما تحلوا مشاكلكم بس مش هسيبكم وهفضحطم في كل الجروبات عشان كلتوا حقي، ويوضح الحساب: لدي شكوي بخصوص شحن رقمي فودافون بمبلغ 100 جنية قبل الضرائب (يعني يوصلي صافي 70 جنيه صافي) الشحن كان يوم الجمعة الموافق 5 مارس 2021، الساعه 10:25 صباحا من محفظة البنك الاهلي المصري (فون كاش - خدمات فوري) - مرفق صورة، وتم التواصل مع البنك الاهلي وعمل شكوي رسمي وبلغوني العملية ناجحة وارجع لشركة فودافون بلغهم ان رقم التحقق 272268 وابعتلهم كابتشر من صورة المعاملة انها ناجحة".
ويشير الحساب: "تم تقديم شكاوي كييييير بشركة فودافون وتم رفض الشكاوي وارقام الشكاوي في فودافون: يوم ٧ مارس برقم 1-45215974639، ويوم ١١ مارس برقم 1-45298767789 ، ويوم ٢٤ مارس برقم 1-45563042216 ، وآخر شكوي بلغوني اتوجة للفرع؛ رحت فرع فودافون عبدالسلام عارف بني سويف اضطلعوا علي المشكلة وقالولي انت شحنت والفلوس منزلتش في رصيدك فعلاً (بس الحل مع ٨٨٨ وقولهم يكلموا الفرع)!، الفرع صح وخدمة العملاء 888 بتسوح".
رئيس قناة السويس: ارتفاع أعداد السفن العابرة خلال أبريل لـ1814 سفينة
