جمال العدل يتكفل بنفقات علاج شريف دسوقي وكاملة أبو ذكري تهديه طرفًا صناعيًا
أعلن الفنان مصطفى درويش تكفل المنتج جمال العدل بمصروفات مستشفى وعلاج الفنان شريف دسوقي، وإهداء المخرجة كاملة أبو ذكري طرف صناعي، وذلك بعد عملية بتر ساقه، إثر أزمة صحية تعرض لها مؤخرًا.
وكتب مصطفى درويش عبر حسابه الشخص بموقع “فيس بوك”، وقال: “حقك عليا يا شريف سامحني والله ما كنت أعرف إنك في الحالة دي، حقك عليا والله وقدام الجميع أهو والله ما هسيبك، لحد ما أموت أنت مسئول مني مسئولية كاملة، حقك عليا وحقك علينا كلنا”.
وأردف: “الأستاذ جمال العدل اتكفل بمصاريف المستشفى والعلاج، وأفراد العصابة كلها متكفلة بكل حاجة، والاستاذة كاملة جابتله طرف صناعي من أحسن شركة للأطراف الصناعية، شكرا لبدرية طلبة أنت بميت راجل أنت وناس اسكندرية”.
ونفى مصطفى درويش تكفل نقابة المهن التمثيلية بتكاليف علاج الفنان شريف دسوقي، وقال: "لا حول ولا قوه إلا بالله، اللي حصل لشريف دسوقي ده حرام حسبي الله ونعم الوكيل في اللي كان السبب، لو كان حد وقف من النقابة اتحرك قبل ما يتعمل فيه الكارثة دي، كان اتلحق”.
شريف دسوقي
وتابع: “بس للأسف النقابة قالت لبدرية طلبة لما استنجدت بيهم، أصله مش عضو فمش هينفع نساعده من النقابة، بس هنبقي نبعتلك مساعدة شخصية، طبعا كتر خيركم وده قانون وعلى راسنا".
وأضاف: “بس طاب كنتم روحوا هاتوه وقولو لينا ما كل المنتجين والممثلين معاهم فلوس يا جدعان وكله هنساعده ومحدش هيتأخر، حتى كنا شوفنا حل قبل ما تحصل فيه الكارثة دي ويقطعو رجله، ويترمي في مستشفى أقل ما يقال عنها تحت السلم، بجد اللي حصل ده حرام”.
