ريهام سعيد: "اتفقت مع عمر كمال نقدم أغنية تحكي سيرتي الذاتية" (فيديو)
أوضحت الإعلامية ريهام سعيد، الفرق بين كل من مطربي المهرجانات الشعبية حسن شاكوش، وعمر كمال، وذلك بعد خلافاتها مع الأول، ورفع دعوى قضائية ضده بتهمة السب والقذف.
وقالت “سعيد” خلال بث مباشر على صفحتها الرسمية بـ"فيس بوك":" الفرق بين حسن شاكوش وبين عمر.. عمر فنان بجد وصوته حلو أوي واشتغل على نفسه كوويس أوي بيقدم حاجة محترمة.. قولتله عشان خاطري متغنيش في بارات وقالي فعلًا لازم أرتقي".
وتابعت: “كلمته من فترة وقولتله أمنية حياتي أعمل أغنية أقول فيها سيرتي الذاتية.. وأقول حاسه بإيه قولتله مش شايفة أنسب منك أعمل معاه الأغنية.. واختفى بعدها فترة وأنا قولت وقتها أكيد قال يا ولية اتهدي.. أغنية إيه اللي عايزة تعمليها".
واستكملت: “عمر كمال قوي جدًا زيه زي محمد رمضان.. ومبيتعاملش مع حد بعلوّ.. مبيعملش فرق بينه وبين الجمهور.. الناس اللي بتقولي أنا بعمل عداوات مع ناس كتيرة.. أنا مش عامله عداوة مع حد غير ريم البارودي وحسن شاكوش وسما المصري.. وببقى قاعدة آلاقي واحد بيشتمني بدون سبب".
