خالد الصاوي: "أول ما قولت إني ممثل جامد كنت هقع"

كشف الفنان خالد الصاوي، حبه للمزيكا والعزف، بجانب التمثيل والإخراج، قائلًا: “صوتي وحش بس بحب المزيكا.. ولما غنيت بالصدفة في برنامج محمود سعد على النهار بعد 30 سنة من حبي للمزيكا قولت إيه الصوت ده لن أكررها مرة ثانية”.

وتابع خالد الصاوي خلال لقائه ببرنامج “معكم” الذي تقدمه الإعلامية منى الشاذلي على شاشة “سي بي سي”: “ماكنش عندي الثقة إني أقول لنفسي إنني ممثل جامد غير بعد ما تميت الـ50 سنة.. وقبل كده كنت بأدب نفسي وأول ما قولت أني ممثل جامد كنت هقع”.

وسبق، وعلق خالد الصاوي على أحد مشاهد مسلسل “اللي مالوش كبير”، الذي ظهر به يتحدث مع نفسه قبل انتحاره قائلًا: "المشهد دا اتعمل مرة واحدة، وده تحدي لازم أحطه لنفسي مهنيًا وببقى مستني رد الناس".

وربط “الصاوي” بين المسلسل وفترة تمثيله على المسرح وقال: "أنا شغلي في المسرح علمني إن العرض الأخير أهم من البروفات، وأنا بشغل دماغي بحاجات عن التمثيل، كان المفروض أخلص له أكتر من كده".

"بحاول أغير من نفسي ولما أموت مش عايز حد ينتقد أعمالي".. أبرز تصريحات خالد الصاوي في "معكم منى الشاذلي"

11 ألف جنيه فقط إيرادات فيلم "للإيجار" في اليوم الأول من عرضه