أزمة بين أب وابنه على السوشيال ميديا.. اتهامات متبادلة بالجحود والعقوق
تدوال مستخدمو مواقع التواصل الاجتماعي، منشورات لابن وأبيه بينهما اتهامات متبادلة، إلى أن أصبحت السوشيال ميديا هي الحكم في تلك القضية.
بدأت الأحداث بنشر محمد حسن “الأب”، قصته التي تعبر عن مشاكله بسبب التقاعد والحاجة الشديدة للعمل والمال، وانتشرت صورته بسرعة البرق في محاولة لمساعدته، واتهم العديد الابن بجحوده لأبيه وعدم مساعدته بعدما شاخ، حتى ظهر الابن ليوضح القصة الحقيقة.
قال باسم محمود "الابن": "والدي طلق والدتي وأنا 6 أشهر، ومن ساعتها وهو ميعرفش عني أي حاجة، ومش بيحاول يتواصل معايا".
وأضاف محمود لـ"القاهرة 24": “"أمي اتطلقت منه بسبب أسلوبه السيئ، وفضلت تصرف عليّ لحد ما اتجوزت وبعدين جوزها اتكفل بتربيتي من 5 ابتدائي لحد الجامعة".
وتابع: "والدي ميعرفش أي حاجة عني لحد 2012، ولكن بدأ يفتكرني لما بعتلي جواب على العنوان بتاعي عشان عاوز يتواصل معايا ويعرفني أنه اتجوز وخلف وبقي ليا اخوات"، مشيرا إلى أنه على الرغم من ذلك تهرب مني، ولم أستطيع الوصول إليه.
واستكمل: "بعد فترة وصلتلته وروحت عيشت معاه شهر ونص، شوفت طريقته وأسلوبه الجاحد والهمجي على أولاده"، مشددًا: "هو مش بيشتغل وزوجته اللي بتصرف عليه وبيخلي بينته 17 سنة تشتغل وتصرف عليه، ولو رفضت بيضربها".
واستطرد: "بعد شهر ونص طلب ممني أروح اشتغل وأصرف عليه، لكني رفضت، وساعتها طردني بره البيت".
وأكد حسن: "حاولت مرارا وتكرارًا مع والدي لتغيير وتطوير شخصيته، ولكن محاولاتي جميعها باتت بالفشل، موضحًا: "أنا ساعدته كتير عشان يشتغل وهو اللي كان بيرفض، عاوز الربح والثراء السريع بدون حساب".
وعن منشوراته هو ووالده، قال: "أنا مكنتش أعرف أنه نزل بوست بيطلب فيه شغل وإننا مش بنساعده، لكن في حد عرف إن ابنه وساعتها اتهاجمت واتهمت بأنبي مش بار بأبويا، لكن قررت أني هنشر قصتي معاه، عشان الكل يعرف هو عمل أيه فيا وفي أخواتي".
وأردف: "الراجل ده دمر أسرته وأولاده وحياته، حتى أختى المتزوجة ضرها، هو مصمم يأذينا بأي شكل"، مضيفًا: "أنا عرفت أن ناس في الإمارات والسعودية هيساعدوه، بس لازم يعرفوا الحقيقة الأول".
من جانبه تواصل "القاهرة 24" مع الأب محمد حسن، إلا أنه رفض التوضيح قائلًا: "كانت زوبعة فنجان بينا وانتهت".
