ريم البارودي ترفض الحديث عن ارتباطها: "المجتمع الشرقي بيرفض الحاجات اللي زي دي"
رفضت الفنانة ريم البارودي، الإفصاح عن تفاصيل ارتباطها برجل أعمال، والذي كانت قد أعلنت أنها تعيش حاليًا حالة حب خلال لقائها في برنامج “العرافة” مع الإعلامية بسمة وهبة.
وقالت ريم البارودي خلال لقائها ببرنامج “ET بالعربي”: “مش هقول دلوقت.. واحنا عندنا المجتمع الشرقي بيرفض الحاجات اللي زي دي.. لما يبقى في حاجة حقيقية هقول”.
وتحدثت الفنانة ريم البارودي عن الأزمات التي مر بها مسلسل “كله بالحب”، والذي عرض خلال السباق الرمضاني الماضي، وكان من بطولة الفنانة زينة، وأحمد السعدني، وصابرين.
وقالت: “الصداقة تخليني إن أنا احترمت مواعيد شغلي حتى لو أنا تعبانة لازم أجي على نفسي وأنزل أشتغل، حتى لو فيه حاجة مش عجباني أو مش مناسباني بس علشان خاطر صاحبتي”.
تابعت: “احنا اتعودنا بالذات في الدراما إن دايما بيبقى فيه مشاكل، بس المرة دي المشاكل كانت على الملأ.. عرفنا الحمد لله إن إحنا نتفادى المشاكل، لأن كان فيه مشاهد كتيرة قوي كنا محتاجين وجود أحمد السعدني، لكن كل شيء نصيب”.
اختتمت: “إن شاء الله العرض التاني في وقت ميبقاش رمضان، الناس تشوف، كلنا تعبنا وكلنا اجتهدنا في وقت صعب زي كورونا، وكنا بنشتغل في أماكن صعبة جدا، وإن شاء الله اللي مشافش المسلسل يشوفه وإن شاء الله هيعجبه”.
يذكر أن مسلسل “كله بالحب”، من بطولة زينة وأحمد السعدني وصابرين وهالة فاخر ومصطفى درويش وريم البارودي، تأليف ورشة أحمد الشخيبي، إخراج عصام عبد الحميد.
ريم البارودي: أعيش قصة حب حاليًا.. وأوافق أن أكون زوجة ثانية (فيديو)
