طبيب برازيلي يتحرش لفظي بفتاة مصرية مستغلاً عدم إجادتها للغته (صور)
نشر المدون عبد الرحمن الجندي واقعة تحرش فتاة مصرية من دكتور برازيلي شهير اسمه فيكتور سورينتينو أثناء زيارته المتاحف الأثرية ومنطقة الأهرامات مستغلاً عدم إجادتها للغة التي كان يتحدث بها.
وكتب عبد الرحمن عبر صفحته الرسمية على موقع التواصل الإجتماعي فيس بوك قائلاً:" هام جدا حادثة تحرش من أيام دكتور برازيلي شهير اسمه فيكتور سورينتينو عامل ميكس ما بين الطب والـblogging وهو influencer في البرازيل عنده متابعين مقربين ع المليون، كان بيزور مصر بغرض السياحة، وفي زيارة أحد المتاحف كانت بنوتة مصرية شغالة هناك بتوريه ورق بردي وهو بيصور Instagram Story فاستغل انها مش فاهمة اللغة قوي وفضل يقولها ايحاءات جنسية ويتحرش بيها لفظيًا بعبارات جنسية قذرة وهو ماسك ورق البردي وهي مش فاهمة قوي هو بيقول ايه فقاعدة بتبتسم وتشاور براسها على أساس انه أكيد بيشكرها أو بيقول حاجة لطيفة وهو قاعد يضحك ويتمسخر.
وأضاف:" الستوري اتنشر في البرازيل وبعض الناس المحترمة اللي عندها كرامة اتضايقت منه وعملوا حملة منظمة على الراجل رافضين للتحرش الجنسي اللفظي اللي اتعمل مع البنت واللي قذارته أضعاف بسبب استغلاله لحد لطيف مش فاهم لغته وبيتعامل معاه بحسن نية عشان يعمل بيه ستوري يضحك بيها الناس.
موضحاً:" الشباب هناك اتواصلوا مع صفحة سبيك أب في مصر وشرحولهم كل ده وبعتوا ترجمة الكلام اللي فيالفيديو مع تسجيل ليه وده كانت ترجمة الكلام اللي وصل منهم بظبط:
"This video went viral in Brazil and we want it to reach Egypt so that justice is done. A Brazilian doctor who is visiting Egypt currently took advantage of the fact that this Egyptian girl does not understand Portuguese very well to ridicule her and commit harassment and posted on his social networks. He made a sexual joke and she innocently did not understand, continuing with politeness. In the video he says: You really like the thick ones right? And after he asks: They like thick and long ones right? (Referring to male genitals). We Brazilians do not admit this type of behavior that shames us.
وتابع:" الدكتور ده بعد الفضيحة اللي اتفضحها هناك، بكل بجاحة رجع عشان يبيض صورته وعمل زي أي متحرش وحاول يدعي انه كان "بيهزر" ومش قصده حاجة. توصل البجاحة انه يرجع يصور مع البنت فيديو تاني ويفهمها بس انه كان في سوء تفاهم من غير ما يوضحلها هو قال ايه عنها ولا ان كان في كلام جنسي ولا ان البرازيل كلها شافت القرف اللي هو عمله، وهي برضه عشان مش فاهمة بكل لطافة وافقت تصور معاه فيديو، اللي متابعينه فضله يطبلوله عليه عن قد ايه هو انسان عظيم وأخلاقه نبيلة عشان تواضع وقرر يوضح للناس انه كان بيهزر وان الناس ديه بتحقد عليه عشان هو ناجح ومشهور.
أنا قريت واتفرجت على كل الحاجات ديه وترجمت التعليقات على Google translate عشان أفهمها بنفسي كمان وحقيقي دمي اتحرق بشدة من القرف والاستحقاقية وقلة الأدب. عشان أتأكد أكتر بعت الفيديو لصديقة شخصية برازيلية عشان تأكدلي ان الكلام متقال بمغزى جنسي وأكدتلي ده تماما الراجل ده ما زال في مصر.
وطالب “عبد الرحمن” احنا بنطالب النيابة تاخد ضده إجراء ويتحاسب على التحرش والإهانة اللي أجرمهم في حق أختنا المصرية اللي بترحب بيه وبتضايفه وتساعده ف بلدها بكل ذوق واحترام وحسن نية، وتستاهل كلنا ندعمها ونقف ف ضهرها عشان تجيب حقها من الإنسان الحقير اللي تجاوز ف حقها، كرامتها من كرامتنا، وكرامتنا مش مستباحة.
