بعد تصريح محمد رمضان.. عمرو مصطفى: "حل مشاكلك الشخصية من غير ما تدخل اسم بلدي في أزماتك"
علق الملحن عمرو مصطفى، على تصريحات محمد رمضان بشأن التحفظ على أمواله في البنوك، مطالبًا الأخير بعدم استخدام اسم مصر في أزماته الشخصية.
وكتب مصطفى منشورًا، عبر حسابه الرسمي بموقع التواصل الاجتماعي "فيس بوك"، قائلًا: "أنا خضت مشاكل كتيرة جدًا ملهاش قيمة.. في برنامج العرافة رمضان اللي فات طلعت وقدمت نصيحة لمحمد رمضان أنه يستفيد بتجربتي ويبطل مشاكل".
وتابع: "لكن للأسف النهاردة اتفاجئت أنه بيقحم اسم مصر في مشاكله الشخصية، عن طريق محاولة قلب الحقائق بفيديو يخص مشكلته الشخصية في التحفظ على أمواله".
وأضاف: "غير تلميحاته بأن مصر وأهلها لو محتاجة فلوسي يتفضلوا أنا جاهز، لا يا رمضان مصر وأهلها مش في حاجة لفلوسك ولا لفلوس أي حد، بعد إذنك حل مشاكلك الشخصية من غير ما تدخل اسم بلدي في أزماتك".
واختتم: "الجمهور المصري اللي أنت بتخاطبه بمشكلة شخصية ده جمهور واعي جدًا، وينتمي لمصر أولًا قبل محمد رمضان أو أي فنان آخر.. الولاء الأول والأخير لمصر، وأنا كشخص من القوة الناعمة اللي بتمثل مصر واجبي أني أحذرك من إقحام اسم بلدي في أزماتك، وواجبي أني أغيّر على بلدي أنا وأي حد بيحب البلد دي.. مصر أولًا".
وكان الفنان محمد رمضان أعلن عن تحفظ أمواله في البنوك، حيث قال في فيديو نشره عبر حسابه الخاص على “انستجرام”: "صباح الخير.. صحيت النهاردة على اتصال من البنك، بيقولي الدولة تحفظت على فلوسي في البنوك، وأنا وكل ما أملك ملك بلدي، وللعلم معايا فلوس في بيتي قد فلوسي اللي في البنك ومستورة".
