فاطمة كشري تستغيث بالرئيس السيسي بعد أزمتها الصحية (فيديو)
استغاثت الممثلة فاطمة كشري بالرئيس عبد الفتاح السيسي، وناشدته بمساعدتها في أزمتها الصحية الحالية في فيديو مُباشر عبر "كايرو لايف" قناة "القاهرة 24"، قائلة: "ربنا يخليه لعياله ولينا ويخليه لمصر، طالبة منه يجيب لي دكتور ابن حلال يعرف إيه اللي فيا، مش عارفة إيه اللي عندي! واحدة قالت لي ساب حاجة جوة بطنك والله أعلم".
وكشفت الفنانة فاطمة كشري تفاصيل مُعانتها صِحيًا بعد خُضوعها إلى عملية "فتاق"، وشعورها بآلام حادة بعد العملية ومضاعفات كثيرة، مُطالبة بمُساعدتها في أزمتها الصحية.
وأوضحت أنها خضعت لعملية "فتاق" في مُنتصف شهر مارس الماضي، مضيفة: "ما خفتش لحد دلوقتي، الدكتور فتح مرتين مكان الجراحة، وقال لي: في صديد وخُراج والفتح كبيرة جدًا وحاطط لي عليها فتيل مش عارفة إيه الحل؟".
وتابعت الفنانة: “بطني وظهري وجعني جدًا، وأنا عندي 62 سنة، هو علشان أنا تخينة أبقى عافية! أنا عندي أنيميا يا جماعة"، مطالبة أي طبيب أن يناظرها لمعرفة ما بها، مُردفة: "كل شوية الدكتور يسلط الممرضة اللي عنده عاوز 3000 جنيه علشان عملية تنضيف وتحليل المزرعة بـ500 جنيه".
أكملت: "مش عارفة إيه اللي فيا، من رابع يوم بعد العملية قلت له في حتة مكلكعة، وبعد 9 أيام قلت له بطني سخنت وتعبت وصورت له بطني وجالي البيت ووضع لي فتيل وشلتها بعد أسبوعين، وبعدين روحت له العيادة وحط لي درنأة تاني طب أعمل إيه فدوني".
وكشفت فاطمة كشري بداية معاناتها صحيًا موضحة أنها كانت تُعاني من فِتاق مُضخم مع مشاكل في القولون، لذا خضعت لعملية جراحية، واستمرت بغرفة العمليات نحو 5 ساعات، ثم تفاجأت بشعورها بآلام شديدة وصديد مكان العملية وورم كبير.
وانهارت فاطمة كشري خلال حديثها بالبكاء قائلة: "إيه الي في معدتي كل شوية الدكتور يفتح لي فتحة يعني أموت من فحرة، أنا فيا إيه! تعبت والله ومش بمثل".
