الاحتيال عبر الإنترنت.. "هكر أمازون" يضرب حسابات "فيس بوك"وسط سخرية المتابعين (صور)
تعرض تطبيق أمازون، إلى اختراق “هاكر” للحسابات الخاصة بالعملاء عبر موقع “فيس بوك”، حيث يتم إرسال لينك من خصومات التطبيق عبر رسائل الماسنجر، وبمجرد فتحها يتم سرقة الحساب المُستخدم.
وتفاعل مستخدمو مواقع التواصل الاجتماعي مع الحدث بشكل ساخر، وقالت مي عبد الرحمن: "أي حد يوصله لينك أمازون، ده هاكر خلي بالكم محدش يدوس على اللينك لأن كده بيبقى الأكونت اتهكر، ما تفرحوش الهاكرز فينا"، مُستخدمة إيموجي الضحك.
وكتب حساب آخر:" هيجيلك لينك لعروض أمازون من صديق على الواتساب. نصيحة متفتحوش، و لو سألت صاحبك إيه اللينك ده هيقولك مبعتش حاجة".
فيما علقت هدير صالح، قائلة: "محدش يفتح لينك أمازون اللي في الرسايل.. ده هاكر على فكرة".
بينما كتبت صافي فوزي: "الناس اللي عمالة تبعتلي لينك أمازون ياكش تتحظروا قبلي، والناس بتبعت بثقة تحسي أنهم كسبوا آيفون بقا ومتحمسين، قلت دا بجد بقا، أبشروا ده هكر هكر، محدش يبعت تاني اتحظرت ماسنجر خلاص".
بينما علّق باسم محمد نصر: "دخلت على لينك أمازون وطلع هاكر، روحت داخل مغير الباسورد بسرعة ونسيته ومش فاكره خالص".
وعلّق آخر: "لما تبقى أنت الوحيد اللي مفتحش لينك أمازون.. أنا ربنا نصرني".
