رئيس نادي المطلقين تقدم روشتة للزوجات وتؤكد: زوجي معجب بالمبادرة
قدمت عبير الأنصاري، رئيس نادي المطلقين، روشتة ببعض الأخطاء الشائعة التي تقع فيها الزوجات، فقالت: "متسكتيش، وقولي لأي حد كبير على أسلوب زوجك السيئ، لأنك لو سكتي، كدة أعطيتِه القبول أنه يكمل تعامل بالطريقة ديه، ولازم تدخُّل حد كبير، ده ممكن يخلي الزواج يتم بشكل أفضل، لأنه ممكن يكون لسه متجوز جديد ومحتاج حد ينصحه، كمان متخبيش على أهلك حاجة".
وعن رأي زوجها في الفكرة، توضح: "زوجي عجبته الفكرة، وقالي حلوة، ومؤيد المقترح، وفيه مستشار مبسوط من الفكرة التي طرحتها"، مضيفة: "الواحد وهو حي بيقدر يتحكم في كل حاجة في ثروته، لكن بعد ما يموت الإرث هيتقسم بما قال ربنا، وده مش ضد الدين، لأن جتلي حالة توفي زوجها وعندها 4 أطفال، وحماها طردها بره الشقة بعد الوفاة".
أما بالنسبة لأبرز التعليقات التي قرأتها على مواقع التواصل الاجتماعي، تقول “الأنصاري” خلال حديثها مع “القاهرة 24”: "الرجالة حللوا دمي، بيقولوا متعرفيش الدين، لأ أنا بصلي، وبزكي، وبعرف الدين وبعرف أحقق العدل، كمان بيقولوا عليا راجل متحول ومش مهتمة بهذا الكلام".
واقترحت مبادرة جديدة، حيث ناشدت الدولة قائلة: "أتمنى نعمل مبادرة تحقق العدل، ولو الست اللي عدت 20 أو 30 سنة جواز، وجوزها فقير، هنا ننادي الدولة تتكفل بالزوجة، لأن سنها كبير ومش حمل شغل".
