طليقة تميم يونس تتهمه بالاغتصاب الزوجي: "مش عارفة أشتكي ولا عندي حاجة تحميني" (فيديو)
قالت ندى عادل، طليقة الفنان تميم يونس، صاحب كليب "عشان تبقي تقولي لا"، إنها حاولت تجنب الحديث عن الاغتصاب الزوجي، رغم أن الكثير يطالبها بهذا، حيث وصفت الحديث عنه بـ "الثقيل عليها".
وتابعت عبر مقطع فيديو نشرته على حسابها عبر "انستجرام": "بزعل جدا لما ألاقي الاغتصاب الزوجي مش جريمة في مصر، وإن مفيش قانون في مصر يحمي الزوجة من هذا، باعتبارها ملك لزوجها".
ببكاء شديد حاولت إخفاءه خلال الفيديو، قالت ندى: "في شيوخ أزهر تخرج تقول إن ده مش حاجة، لا هو حاجة جدا، من موقعي وبشكل شخصي بقول إنه حاجة".
وأكملت: "مستغربة أني اتحطيت في الموقف ده، وخدت سنة عشان أقدر أواجه الإنسان، وهو نفسه قالي سوري، وقالي اضربيني عشان تبقي أحسن، ورغم أنه بيقول كده، إلا أن القانون والشريعة يقولوا إن ديه مش حاجة".
واختتمت حديثها: "هدفي أن أقول إن لحد السبعينات معظم البلاد لم تكن تجرم هذا الفعل، وعندي أمل لو فتحنا الموضوع ممكن نحاول نغير القانون، لأنه بيصعب عليا أني مش عارفة اشتكي ومش عندي حاجة تحميني".
