شقيقة محمد حلاوة تهاجم ياسمين عبد العزيز: "خرجناكي من حياتنا وقفلنا صفحتك ومابنفتكركيش"
علّقت لمياء حلاوة، شقيقة رجل الأعمال محمد حلاوة، على سخرية الفنانة ياسمين عبد العزيز طليقة شقيقها، عبر صفحتها على موقع التواصل الاجتماعي “فيس بوك”، والتي تضمنت إهانة للفنانة ريهام حجاج.
وظهرت “حلاوة” في فيديو نشره شقيقها رجل الأعمال على “إنستجرام”، قائلة: “أنا اسمي لمياء حلاوة أخت محمد حلاوة، شفت برنامج ريهام صاحبتي وأختي ومرات أخويا، وشفت أنها قالت كلام مُحترم من قلبها، والحاجة اللي ضايقتني واللي زعلتني جدًا وهي حاجة عائلية، أني فوجئت من ساعة كلام بيتقال على حرابيق”.
وتابعت: “يا جماعة بقالنا 3 سنين بنتحارب وبيتقال كلام وإحنا مابنردش عشان مصلحة ولادنا، بس الظاهر إن الناس الثانية مش فارق معاها الكلام ده.. إحنا خلاص خرجناكي من حياتنا وقفلنا صفحتك ومش بس كده مابنفتكركيش”.
واختتمت شقيقة محمد حلاوة، قائلة: “إحنا عايزينك إنتي كمان تركزي في صفحتك وتنسينا، وحاولي أنك تكوني سعيدة لأن إحنا سعداء وإحنا بعيد عنك.. يارب الكلام يوصلك لأن غير كده أظن هتبوظي الصفحة الجديدة بتاعتك هي كمان، ده اللي عايزة أقولهولك لمصلحتك ولمصلحة أولادك”.
ياسمين عبد العزيز بعد حلقة ريهام حجاج وبوسي شلبي: "على الله حكايتكم يا جوز حرابيق"
