تميم يونس بعد اتهامه بالاغتصاب الزوجي: "تربيتي ماتسمحش أطلع أتكلم عن واحدة كانت مراتي"
توجّه الفنان تميم يونس، بالشكر للذين قدموا له الدعم بعد اتهام طليقته “ندى عادل” له بالاغتصاب الزوجي، في أثناء فترة زواجهم مما أثار الجدل على مواقع التواصل الاجتماعي.
وظهر “يونس" في فيديو عبر “ستوري” حسابه بـ"انستجرام"، وقال: “بشكر كل الناس على الدعم الرهيب اللي أنا مش مستوعبه وبالنسبة للي عايزني أطلع أتكلم عن واحدة كانت مراتي ده مش هيحصل على واحدة كانت مراتي”.
وتابع: "أنا مابعملش كدة وأمي مش مربياني على كده، الموضوع ده اتقفل لحد ما يتفتح بالقانون غير كده هو مقفول".
وسبق، وقال “يونس” ردًا على اتهامه بالاغتصاب الزوجي، من خلال فيديو نشره عبر “ستوري” حسابه بـ"انستجرام": “ده محصلش وأول مرة أسمع عن ده زيي زيكم وعيلتي برضو أول مرة تعرف ده.. ومش هقدم أي إجراءات قانونية إلا لما تكون التهمة صريحة وواضحة.. وساعتها هتصرف بالقانون ومش هكرر الأخطاء اللي الناس بتستفزني عشان أقع فيها”.
وكانت “ندى عادل” طليقة الفنان تميم يونس، قد اتهمته بالاغتصاب الزوجي، وظهرت في فيديو على حسابها بـ"انستجرام"، وقالت: "بزعل جدا لما ألاقي الاغتصاب الزوجي مش جريمة في مصر، وإن مفيش قانون في مصر يحمي الزوجة من هذا، باعتبارها ملك لزوجها".
ببكاء شديد حاولت إخفاءه خلال الفيديو، قالت ندى: "في شيوخ أزهر تخرج تقول إن ده مش حاجة، لا هو حاجة جدا، من موقعي وبشكل شخصي بقول إنه حاجة".
طليقة تميم يونس تتهمه بالاغتصاب الزوجي: "مش عارفة أشتكي ولا عندي حاجة تحميني" (فيديو)
