فريدة سيف النصر توجه رسالة لسميرة عبد العزيز: "دي مش أخلاق محمد رمضان" (صور)
وجهت الفنانة فريدة سيف النصر، رسالة للفنانة سميرة عبد العزيز، بعد تصريحاتها بأن الفنان محمد رمضان أهانها بسبب رفضها تقديم أحد الأعمال معه، مؤكدًة أن هذه ليست أخلاق رمضان.
وكتبت فريدة عبر حسابها بموقع التواصل الاجتماعي "فيس بوك": "السيدة الفاضلة جيل فاتن حمامة وصديقتها الوحيدة.. سميرة عبدالعزيز.. احتراما لها لن أكذبها أبدا، ولكن رسالة وصلت لك من مين أكيد يا رمضان حد بيعزك أوي وخد موبايلك ده أنت متحارب من أيام عشرين مليون مايعرفوش الله أكبر أجرك حاليا".
وتابعت: "يعني كتمتي في قلبك 6 سنين ؟، وبعدين دي مش شغلته أن حد يرفض دور فيتقهر ويكلمه يردح له، يعني حتى لو حصل اشمعنى دلوقتي ياحاجة، لا حول ولا قوة إلا بالله العلي العظيم، أنا اتشرفت بيها وعملت معانا في مسلسل الرحايا، أخت نور أبو دياب زوجي، واتقابلنا كتير كانت ماليه الشغل علينا، أسالوا الجميع والله حاجه كده خيال بتتعامل حقيقي بأسلوب فاتن حمامة شوفوا بقى الرقي ماهو قول لي من تعاشر".
واختتمت: "ربنا يهدي الجميع لبعض ويهدي النفوس، هو احنا بندور على مشاكل بأثر رجعي، والله ما مستاهله حقك عليا أنا ولو أن أقسم بالله قسم يتهز له 7 سموات دي مش أخلاق محمد، واللي هيقول سبوبة وقرف ورحمة أمي هزعل لأنكم حبايبي، وعارفين أني حقانية وما بياخد الروح إلا اللي خلقها.. وأشكركم".
